Romssa ja Finnmárkku fylkkamánni bovde buot ođđa stáhtaboargáriid Finnmárkkus stáhtaboargármeanuide Hámmárfestii, golggotmánu 17. beaivvi, dahje Čáhcesullui, golggotmánu 19. beaivvi.
Romssa ja Finnmárkku fylkkamánni čállá preassadieđáhusas ahte bovde buot ođđa stáhtaboargáriid Finnmárkkus stáhtaboargármeanuide Hámmárfestii, golggotmánu 17. beaivvi, dahje Čáhcesullui, golggotmánu 19. beaivvi.
Ávvudeapmi
– Mii čalmmustahttit dán beaivvi sávvan dihtii ođđa stáhtaboargáriidda bures boahtima ja ávvudat go oažžut ođđa miellahtuid Norgga oktasašvuhtii. Lea eaktodáhtolaš oasálastit, muhto mii sávvat olusiin lea miella searvat ávvudanbeaivái, lohká Romssa ja Finnmárkku fylkkamánni Elisabeth Vik Aspaker.
Dutnje gii leat juo ožžon bovdejumi stáhtaboargármeanuide Finnmárkui: Meanut Hámmárfeasttas leat Scandic Hoteallas «Melkøya» nammasaš čoahkkinlanjas. Čáhcesullos lea dat Scandic Hoteallas «Varangerfjord» čoahkkinlanjas.
Jus it leat ožžon bovdejumi, dieđit iežat Romssa ja Finnmárkku fylkkamánnái.
Dieđihanáigemearri lea čakčamánu 30. beaivi.
Dieđihanskovi oaččut fylkkamánnis.
