Barentsguovllu Nuoraid Ráđđi bovde nuoraid mielde Ruššii juovlamánus oahppat dearvvašlaš eallinvuogi, lášmmohallama, vuosttaš veahki ja biepmu birra.
Barentsguovllu Nuoraid Ráđđi bovde nuoraid mielde Ruššii juovlamánus oahppat dearvvašlaš eallinvuogi, lášmmohallama, vuosttaš veahki ja biepmu birra.
Juohke jagi lágida Barentsguovllu Nuoraid Ráđđi «Nordic Pulse» deaivvadeami nuoraide geat gullet Barentsguvlui.
– Dán jagi háliidit loktet fáttá mii gullá dearvvašlaš eallinvuohkái, lášmmohallamii, vuosttaš veahki ja biepmu birra man ádjána ráhkadit (slow food). Mii háliidit ahte nuorat beroštit eanet iežaset dearvvašvuođa birra, muitala Barentsčállingoddi neahttasiiddus.
Oahpahit dearvvašlaš eallinvuogi
Deaivvadeapmi lea juovlamánu 14. beaivvis gitta 18. beaivái, ja šaddet bargobájit, oahpahus ja lášmmohallan.
– Oahpahusa ja lášmmohallama bokte háliidit oahpahit Barentsnuoraide movt eallit dearvvašlaččat ovttas, čállá Barentsčállingoddi.
Vulget Komi republihkkii
Dán jagi deaivvadit nuorat Komi republihkas Ruoššas. Juohke Barentsguovlu beassá sáddet njeallje nuora dáidda doaluide. Sii, geain lea beroštupmi vuolgit, fertejit ohcat beassat searvat, ja sii fertejit earret eará leat gaskal 16 ja 30 jagi boarrásat, máhttit eaŋgalasgiela, ja orrut, studeret dahje leat Barentsguovllus eret. Golggotmánu 31. beaivvi lea ohcanáigi, ja prošeakta gokčá buot mátkegoluid.
Geahča filbmabihtáža dás:
