Are Wiig bijai ođđa máilmmi olahusa maŋŋebárgga go borjjastii okto Lindesnesas Davvinjárgii. Riđđun ádjánii beare čieža jándora. Dál vuordá birra máilmmi borjjastus su.
Are Wiig bijai ođđa máilmmi olahusa maŋŋebárgga go borjjastii okto Lindesnesas Davvinjárgii. Riđđun ádjánii beare čieža jándora. Dál vuordá birra máilmmi borjjastus su.
2018:s áigu Wiig geahččalit borjjastit Golden Globe Race gilvvus.
Wiig borjjastii 1100 nautalaš miilla čieža beaivvis, diimmus ja 11 minuhtas Lindesnesas Davvinjárgii.
– Lei erenomáš somá ja lei buorre borjjastandálki, muitala Wiig preassadieđáhusas.
Jođánis fanas
32 juolgemihtu sturrosaš «Olleannain» manai johtilit mátkkoštit davás miehtá Norggarittu.
Son galgá seamma fatnasiin borjjastit máilmmi birra Golden Globe Race gilvvus. Dat gilvu álgá suoidnemánu 1. beaivvi.
– Mátki galggai iskat mo fanas, reaiddut ja Norgga mearragáddi lea. Dan gal duođai dagai. Muhtin gaskka lei unnán oađđin ja olu šadden divvut fatnasa, muhto eai gal goassige dehálaš biergasat billašuvvan. Fanas doaimmai hui bures.
Ovccemánnosaš mátki
Jus Wiig čađaha GGGR-gatta, de lea son vuosttaš dáža gii borjjasta birra máilmmi okto fatnasiin. Lea vurdojuvvon ahte mátkkis sáhttá ádjánit gitta ovcci mánu.
Maŋŋebárgga illudii Wiig go nagodii ođđa olahusa bidjat Lindesnes-Davvinjárgga gaskka. Nuppe guvlui gal áigu son naffát.
– Dál áiggun borjjastit ruovttoluotta olu sivvadabbot. Ferten oaidnit eambbo dan čáppa mearragáttis maiddái, muitala Wiig.
