-Almmuhus-
OĐĐASATBorgguhit seammá olu go ovdal

Borgguhit seammá olu go ovdal

-

-

Ollu jagiid lea borgguheapmi njiedjan, muhto dál vuhtto ahte njiedjan lea bisánan.

Nuorat eai borggut bearehaga beaivválaččat, ja lea eanet dábálaš ahte soames háve borgguhit ja baicca snuksejit beaivválaččat — vuorraset buolvvaid ektui. Lea dušše 1-2 proseantta nuorain geat lohket iežaset beaivválaččat borgguhit, dieđiha Statistihkalaš guovddášdoaimmahat.

Olu rievdan

Statistihkas boahtá ovdan ahte leat vuorraset olbmot gaskkal 55 ja 64 jagi, geat ain borgguhit. Dál lea 17 proseantta geat beaivválaččat ain borgguhit. Logi jagi áige lei lohku 23 proseantta dievdduin ja 20 proseantta nissoniin borgguheaddjin.

Dál lea snuvssen nuoraid gaskkas mii lea lassánan. Lea 30 proseantta dievdduin, gaskkal 25 ja 34 jagi, geat eanemusat leat lassánan snuvssejeaddjin maŋemus logi jagis. Loguid mielde leat olu unnit nissonolbmot go dievdoolbmot geat geavahit snuvssaid.

Sosiála erohusat duhpátgeavaheamis

Beaivválaš borgguheami sosiála gradieanta bissu ain oahppodási ektui. Sis geain lea dušše vuođđoskuvla lea 16 proseantta borgguheaddjin, mii lea golmma geardde eanet go sii, geain lea alit oahppodássi. Maiddái snuvssemis lea sosiála gradieanta nissonolbmuin ja dievdduin.

-Almmuhus-