-Almmuhus-
-Almmuhus-
OĐĐASATBorgguheapmi ja váibmodohppehat njiedjá garrasit

Borgguheapmi ja váibmodohppehat njiedjá garrasit

-

-

Juohke jagi njiedjá borgguheddjiid lohku, ja lea dál 12 proseantta álbmogis geat beaivválaččat borgguhit. Snuvssaid geavaheapmi orru ges lassáneame, dieđiha SSB Máilmmi duhpátkeahtes beaivvi.

Lea t dušše 12 proseantta álbmogis geat beaivválaččat borgguhit dál. Logi jagi áigi lei dat lohku beali eanet. Sii geat borret snuvssaid, ges lassánit, ja leat birrasii logi proseantta álbmogis. Muđui álbmogis lea 18 proseantta geat geavahit ovtta dahje máŋga nikotiidnabuktaga, dieđiha Statistihkalaš guovddášdoaimmahat.

 

Allaoahppan olbmot borgguhit unnit

Ii leat sohkabeliid ektui nu stuora erohus borgguheddjiin, muhto čájehuvvo ahte duhpátgeavaheapmi sáhttá guoskat dasa makkár oahppu olbmos lea. Ovdalaš áiggi ledje allaoahppan olbmot geat ovddemus álge borgguhit, ja dál lea dat joavku gos eai leat nu oallugat geat borgguhit, dieđiha Álbmotdearvvašvuođainstituhtta.

Logi jagis rievdan:

​Riikkadásis lea 29 proseantta olbmuin gaskkal 25 ja 74 jagiin geain lea vuođđoskuvlaoahppu ja borgguhit. 17 proseantta sis geat leat čađahan joatkkaskuvlaoahpu borgguhit, ja 6 proseantta sis geain lea alla dási oahppu borgguhit.

Buohtastahttima dihte oaidnit logi jagi dás ovdal ahte logut ledje 37, 24 ja 11 proseantta.

 

Eanet nieiddat borret snuvssaid

Ollugat álget snuvssaiguin go heitet borgguheames. Juohke njealját olmmoš, gii dál geavaha snuvssaid, lea borgguhan ovdalaččas.

Nissonolbmuid gaskkas lassánit snuvsageavaheaddjit eanemusat. Maŋemus viđa jagis leat snuvsageavaheaddjit nissoniid gaskkas lassánan njealji proseanttas čieža prosentii. Aŋkke leat eanemus dievddut geat geavahit snuvssaid, 13 proseantta.

Nikotiidnabuktagat, mat galget veahkehit olbmuid heaitit borgguheeames, eai leat beare geasuheaddjit. Dušše golbma proseantta dain geat leat borgguhan, geavahit nikotiidnasuoskangummi ja njammantableahtaid. Birrasii seamma ollugat geavahit e-sigareahtaid, maid ii leat lohpi Norggas vuovdit go dain lea nikotiidna.

 

Váibmodohppehat unnon

Máŋggaid jápmimiidda ja dávddaide lea borgguheapmi ožžon siva. Maŋemus viđa jagis lea váibmodohppehat garrasit njiedjan, oktan eará váibmosivaiguin, dieđiha Álbmotdearvvašvuođainstituhtta.

– Dat buorit rievdadusat kolesterolas, borramis, varradeattus ja fysihkas bohtet das go váibmosivat njidjet dan geažil go eambbogat leat maŋemus logi jagis heaitán borgguheames, muitala váibmo- ja varrasuotnaregistara doavttir, Rune Kvåle. (©NTB)

-Almmuhus-