Árktalaš dálvegilvvuid lágideddjiin maŋŋá borgá lea buorre doaivva lihkostuvvat lágideamis čuoigangilvvuid maid. Mánu áigge dát ges ledje balus ahte eai nagot čuoigangilvvuid lágidit bivvalis dálkkiid geažil.
Árktalaš dálvegilvvuid lágideddjiin maŋŋá borgá lea buorre doaivva lihkostuvvat lágideamis čuoigangilvvuid maid. Mánu áigge dát ges ledje balus ahte eai nagot čuoigangilvvuid lágidit bivvalis dálkkiid geažil.
6. beaivvi boahtte mánu Ruonáeatnamis oaivvegávpogis Nuukas álget Árktalaš dálvegilvvut dahje Arctic Winter Games. Valáštallandoaluin nuorat galget gilvohállat 15 iešguđet ge valáštallansuorggis. Duon beaivvi Ruonáeatnamis lei veahá dálki. Muhto dát ge baicce illudahtii doaluid lágideddjiid. Dan oktavuođas lágideaddjit lohke Kalaallit Nunaata Radioa (KNR) ikte rádiostašuvdnii earret eará na:
– Mii nu illudit, go lea ná ollu muohttaga borgán. Dát veahkeha ordnet čuoiganláhtu, lohká AWG bealis Arnakkuluk Jo Kleist.
– Mii váillahit muohttaga dieđusge, muhto doaivut ahte muohttá vel ovdal go gilvvut álget Nuukas giđđat, muitala Árktalaš dálvegilvvuid nubbijođiheaddji Arnakkuluk Jo Kleist KNR:i dalle.
Sámi riikajoavku lea dieđihuvvon earret eará čuoigamiidda ja spábbačiekčamiidda. Gilvvut lágiduvvojit njukčamánu 6. – 11. beivviid dán jagi.
