«Min boraspiret searvi» evttoha boraspiriiguin eastadit CWD-dávdda Nordfjella guovllus Lulli-Norggas.
2016:s fuomášedje eiseválddit CWD-dávdda gottiin Nordfjella guovllus Lulli-Norggas. Dán rádjái leat gávdnan 24 gottis dan dávdda.
Min boraspiret searvi evttoha dál boraspiriiguin eastadit dan dávdda leavvamis.
Sii čállet preassadieđáhusas ahte ferte obbalaččat geahččat ekologiija mas boraspiriin lea lunddolaš sadji.
Sii oaivvildit ahte boraspiriid ii galga hálddašit eret iežaset guovlluin, muhto baicca daid atnit ávkin doppe go borret ráppiid.
Mii fas lea ávkin dakko bokte ahte boraspiret dagahit ahte dearvvaš eallit seilot dan bokte go goddet gottiid ja borret daid.
