Bonju organisašuvnnat bovdejit oktasaš solidaritehtačalmmusteapmái Ráđđeviessosadjái Oslois odne, vuossárgga geassemánu 27. beaivvi, dii. 19:30. Ráhkisvuohta ja valljivuohta galget ávvuduvvot eaige áitot jávohisvuhtii.
Doalut leat biddjon go bonju lihkastagas lea dárbu čoahkkanit ja čájehit oktavuođa maŋŋá mannan vahkkoloahpa suorggatlaš dáhpáhusa. Seamma doaluin maid čalmmustahttet Stonewall-stuimmiid, mii rehkenasto Pride álggahussan.
– Bonju lihkastat sallu buohkaid. Mii čuolahat min gránnjáid, váhnemiid, mánáid ja ustibiid gáibádusa ollesárvvolaš ja dorvvolaš eallimii. Mii čuollat servvodaga ovddas gos idealat maid mii bidjat iežaset šaddat duođalašvuohtan. Mii válljet movt mii vástidit dan dáhpáhussii. Mii váldit ovddasvástádusa, sihke oktasaš ja okto, ahte vuosttaldit homofobiija, transfobiija, rasismma, bifobiija ja funkofobiija. Mii bivdit buohkaid ohcat ja šaddadit min oktasaš arenaid, ja nannet oktavuođaid mat sáhttet addit midjiide dan oktavuođa mii lea ja boahtá leat dehálažžan boahtteáiggis, čállá Oslo Pride preassadieđáhusas.
Doaluide bohtet iešguđet bonju organisašuvnnat doallat apeallaid, galgá minuhta jaskat, ja bohtet artisttat geat ovddastit lihkastaga.
Buohkaide lea váimmolaš bures boahtin oassálastit. Lágideaddjit hástalit buktit leavggaid ja ivnniid maid muđui livčče buktán parádii mii heaittihuvvui.
Politiijat leat addán lobi lágidit doaluid ja sis lea ovddasvástádus doallat sihkarvuođa Ráđđeviessosajis.
