Pachahuara-álbmot Amazonasis lea fargga jávkame dál. Ođđabeairuohta jámii okta sis, ja dál leat dušše njealjis báhcán.
Árvvoštallojuvvo ahte Pachahuara álbmogis Bolivias, leat dál báhcán duššo njealjis.Sii njealjis leat duššo dat geaid birra dihtet sihkkarit. Ođđajagiruohta jámii oainnat okta sis, okta nisu. Dalle báhce vel njealjis.
Universitehtaprofessor ja antropologa Wigberto Rivero čállá Twitteris:
– Baji lea jápmán. Son lei okta dain maŋemuš Pahcahuara-nissoniin vel báhcán Bolivia Amazonasii. Son jámii iežas gilážis.
Bolivia mediat dieđihit ahte nisu lei 57 jagi boaris, ja jámii borasdávddas.
Bolivias leat 36 álgoálbmotjoavkku, ja Pachahuara lea okta dain joavkkuin. Joavku unnu jagis jahkái, ja sivvan dasa lea ahte oallugat álbmogis náitalit olbmuiguin geat eai gula sin álbmogii, ja fárrejit dasto árbevirolaš guovllus. ©NTB
