-Almmuhus-
OĐĐASATBohtosat covid-19 njoammun­ guorramis

Bohtosat covid-19 njoammun­ guorramis

-

-

Finnmárkku buohcciviessu álggaha eambbo doaibmabijuid vai unnidit lagas oktavuođa ja njoammunriskka Hámmárfeastta buohcciviesus.

Duogážin lea njoammunguorran mii lea čađahuvvon maŋŋel go okta olmmoš, geas lea covid-19, biddjui buohcciviessui.

Njoammunguorran, mii lea čađahuvvon Finnmárkku buohcciviesus ja Hámmárfeastta suohkanis, čájeha ahte lea jáhkehahtti ahte pasientii lea njommon eará pasieanttas gii lei poliklinihkas seamma áiggi, geas maid čájehuvvui maŋŋelaš positiiva covid-19 iskkus.

– Guokte pasieantta eaba ollašuhte eavttuid leat lagas oktavuođas. Lea danne olu mii čujuha ahte sáhttá geavvan eahpenjuolga oktavuođanjoammun, cealká ráđđeaddi njoammunváldodoavttir Anne Mette Asfeldt preassadieđáhusa bokte.

Lea unnán jáhkehahtti ahte earáide lea njommon. Jus lea gáddu ahte pasieanttat, geat leat galledan poliklinihka golggotmánu 1. beaivvi, dovdet iežaset buohccin, galggaše sii váldit doaktáriin oktavuođa árvvoštallan dihte iskkadit.

Hámmárfeastta buohcciviessu čađaha dál doaibmabijuid garvimis njoammuma buohcciviesus. Dat guoská sihke fysalaš ja bargomálle doaibmabijiude čadnon earret eará beassanguvlui.

Finnmárkku buohcciviesus lea dál okta pasieanta geas lea covid-19. Dasa lassin leat golbma bargi erremis maŋŋel njoammunguorrama.

 

-Almmuhus-