-Almmuhus-
-Almmuhus-
-Almmuhus-
OĐĐASATBohccuid hivvodatboahkuheapmi

Bohccuid hivvodatboahkuheapmi

-

-

Birrasii 800 000 bohcco galget boahkuhuvvot Nenetsa ja Jamal guovllus dáđvesonahaga vuostá.

Jamal ja Nenets guovllus Ruoššas leat álgán boahkuhit bohccuid dál, go ballet dáđvedávdda leavvamis jus bohccot borret anthrax mirkku mii gávdno eatnamis gosa ráppiid leat roggan eatnamii dolin. Mirku lea orron jiekŋaeatnamis, muhto dálkerievdama dihte leat jieŋat suddan ja mirku suođđan eatnama čađa.

 

Boahkku bohccuide
Dál muitalit eiseválddit ahte 230 000 bohcco leat dán rádjái ožžon boahku mii hehtte dáđvesonahaga njoammumis, mii fas boahtá anthrax mirkkus. Oktiibuot galget badjelaš 800 000 bohcco boahkuhuvvot.

 

Bártnáš jámii
Diibmá njoamui dávda olbmuide maŋŋel go bohccot Yamala guovllus ledje guhton báikkiin gos anthrax mirku lei suođđan. 115 olbmo buohccájedje ja šadde buohccivissui. Okta bártnáš jámii.
 

Dávda lea ovdal njommon bohccuide, birrasii 70 jagi áigi. Dalle jávistedje eatnamii ráppiid main lei dávda, ja dál leat hávddiin suođđagoahtán mirkkut bajás. Galget leat máŋga duháha dakkár hávddi dain guovlluin. Dán muitala The Independent Barents Observer.

-Almmuhus-