-Almmuhus-
OĐĐASATBohccot ja sávzzat bálget tuneallain

Bohccot ja sávzzat bálget tuneallain

-

-

Stáhta geaidnodoaimmahat vároha biilavuddjiid go dál sáhttet bohccot ja sávzzat bálgame báhkaid tuneallain, riikka davimus fylkkain, čállá NTB.

– Midjiide cavgiluvvo miehtá davvi-Norgga elliid birra mat guhtot luoddaguorain. Sihke sávzzat ja bohccot čákŋet tuneallaide, dadjá Stáhta geaidnodoaimmahaga Tore Lysberg NRK:i. 

 

Eallit njidjet mearragáttiide ja guovlluide gos dávjá lea olu johtolat, erenoamážit suoidnemánu ja borgemánu. Olbmot berrejit leat várrogasat go vudjet tuneallain, deattuha Lysberg.

– Tuneallanjálmmiin berrejit olbmot leat áicilat. Jus oaidná elliid dákkár báikkiin, de lea vuogas bisánastit ja šleađgut čuovggain vai earát maid oidnet, dadjá son.

 

Suoidnemánu 10. beaivvi rájes leat registrerejuvvon 44 vuojáhallan bohcco ja sávzza, sáhttá boazopolitiija Inger Anita Øvregård duođaštit.

-Almmuhus-