Norgga automobiilalihttu rávve álbmoga vuodjit ja vánddardit várrogasat go vulget láhtuide.
Bođu dávvirat biilla siste leat váralaččat. Jus biila beaškkiha oktii eará vuojániin dahje fáhkka šaddá bissehuvvot vuojedettiin 50 km/t, de lossu dávvir 24 geardde eanet go dan maid lunddolaččat deaddá.
Slalomsabehat deddet birrasii vihtta kilo ja go biila fáhkka bisána 50 km/t, de deddet dat 120 kilo. Čuoigansabehat ges deddet birrasii guokte kilo ja fáhkka beasáneamis 50 km/t, deddet dat lagabui 50 kilo.
– Ii leat nu buorre jurdda luoitit vulos maŋŋegeaže stuolu mieiganoasi vai sáhttá bidjat dasa sabehiid bođui. Sabehat han sáhttet leat heakkaváralaččat go vulget johtui jus beaškkihat oktii eará biillain dahje šattat bissehit biilla fáhkka. Jus dan dattetge dagat, čavge ainge sabehiid gitta gárastagaiguin. Muhto álkimus ja sihkkaramos lea bidjat sabehiid rohpegálvokássii dahje čavget daid sabetstellegii gitta, rávve Norgga automobiilalihttu (NAF) senior gulahallanneavvu Nils Sødal preassadieđáhusas.
Son rávve olbmuid páhkkedettiin gálvvu álo bidjat losimus dávviriid vuolimužžii biillas.
