-Almmuhus-
-Almmuhus-
-Almmuhus-
OĐĐASATBoazo­sápmelaš mieđu­štii láhppon olbmuid váris vulos 

Boazo­sápmelaš mieđu­štii láhppon olbmuid váris vulos 

-

-

Guovttes leigga láhppon Sievjjus odne.

Politiijat dieđihit Twittera bokte ahte guokte olbmo leaba láhppon Sievjjus. Dát guovttis leigga tealttá ceggen Grytedalshaugen (563 mbb) báikái. Báikkis lei heajos dálki, riđđu, 13 m/s biegga, mierká ja heajos oainnádat.

– Soai leaba ieža váldán oktavuođa oapmahaččaiguin, geat fas minguin válde oktavuođa, dadjá politiijaid operašuvdnajođiheaddji Gunnar Øvergaard. 

Mieđustii váris vulos

Dakka maŋŋá bođii ođđa diehtu Twitteris, ahte soai leaba gávdnon.

Øvergaard muitala Ávvirii ahte sii bidje návccaid jođánit johtui ovdal go sevnnjodii. 

– Albmáguoktás lei tealtá gaikkodan ja leigga galbmon, ija leamaš olgun.  Lei deháláš gávdnat sudno ovdal go sevdnjodii. Válddiimet oktavuođa muhtun badjeolbmuin báikkis. Son manai vácci báikái, go ii lean dakkár báiki gos sáhttá vuodjit. Váccedettiin gávnnai son dan guokte olbmo ja mieđustii sudno váris vulos, dadjá Øvergaard. 

-Almmuhus-