-Almmuhus-
-Almmuhus-
-Almmuhus-
OĐĐASATBoazosápmelaččat ohcet suovasbirgui nammasuoji

Boazosápmelaččat ohcet suovasbirgui nammasuoji

-

-

Suovastuvvon ja sáltejuvvon bohccobirgui ohcet Suovas-nammasuoji.

Suoma Boazosámiid-searvi ohcá nammasuoji Suddjejuvvon álgonamahus (SAN) Suomas. Ohcamuš lea ovttas Ruoŧa ja Norgga boazosápmelaččaiguin, dieđiha Suoma Eanandoallodoaimmahat (Mavi). Dán čállá Lapin Kansa.

 

Geavahit Suovas-namahusa

Suoma Eanandoallodoaimmahat lea cealkán ahte Suovas-namahusa oččolii geavahit dakkár bohccobiergobuktagiin, mat suovastuhttojuvvojit ja sáltejuvvojit árbevirolaš sámi vugiiguin lávus dehe goađis. Suovasbiergun dohkkelii čoarbbealli, čoamohas, erttet ja olggut savodeahkki. Boazu galggalii leat šaddan ja guhton Suoma, Norgga dehe Ruoŧa sámeguovllus. Boazu galggalii leat maid njuvvon ja gorut ruvjejuvvon sámeguovllus.

 

Lassiárvu

Suoma Eanandoallodoaimmahaga oainnu mielde EU nammasuddjenortnet addá buktagiidda lasseárvvu ja suddje biepmuid ja eanandoallobuktagiid nama boasttugeavaheamis. Gávppašeaddjái muitala nammasuodji gos buvtta boahtá, maid dat sisttisdoallá ja mo dat lea válmmaštuvvon. SAN-namahusa mihtomearrin lea namalassii, ahte buvtta boahtá dihto guovllus ja dat lea dahkkon dihto olmmošlaš vugiiguin.

 

Áigemearri olggos guovvamánu

Eanandoallodoaimmahat vástida nammasuodjenáššiid gieđahallama ovddas Suomas. EU-kommišuvdna mearrida nammasuoji addimis ja registreremis.

Nammasuoji gulaskuddanevttohus bistá 29.2.2016 rádjai, čállá Lapin Kansa.

-Almmuhus-