-Almmuhus-
-Almmuhus-
-Almmuhus-
OĐĐASATBoazopolitiija gohčču gieldda čorget

Boazopolitiija gohčču gieldda čorget

-

-

Boazopolitiijabálvá Kristine Jerijærvi gohčču gieldda čorget biilabázahusa eret.

Boazopolitiijabálvá Kristine Jerijærvi  lea sádden reivve oktan govain Porsáŋggu gildii, mas boahtá ovdan ahte biila lea guđđojuvvon stuorra bissánanšilljui E69 luoddagurrii, gaskal Leaibevuona ja Smiervuona Porsáŋggu gielddas.

 – Biila billašuvvá eambbo ja eambbo. Dál váilot juvllat, buot láset leat cuvkejuvvon ja leat ollu eará biilaoasit mat váilot. Biila lea unnimusat čužžon guokte jagi seamma sajis, čállá  boazopolitiijabálvá Kristine Jerijærvi reivves.

 

 

Hilgojuvvon biilla ferte čorget eret

Son čállá ahte sii lea viggan gávdnat biilla eaiggáda, muhto čájehuvvo ahte soaitá leat olggoriikka biila.

– Biilla ferte čorget eret, ja mun vuorddán ahte lea gieldda ovddasvástádus, go gielda lea nuoskkidaneiseváldi, čállá Kristine Jerijærvi.

Reive lea sáddejuvvon čakčamánu 9. beaivvi ja Porsáŋggu gielda ii oidno vel vástidan boazopolitiijabálvvá reivve.

-Almmuhus-