-Almmuhus-
-Almmuhus-
-Almmuhus-
OĐĐASATBoazo­lohku lea stáđis

Boazo­lohku lea stáđis

-

-

Norgga boazolohku leamašan maŋemuš njeallje jagi stáđis, muhto Kárášjoga nuorttabealde lea leamašan veaháš lassáneapmi, birrasii logiin proseanttain, čájeha boazoealáhusa resursarehketdoallu.

Njukčamánu 31. beaivvi 2019 ledje sullii 215 000 bohcco Norggas. Birrasii 150 000 bohcco guhtot Finnmárkkus, ja ledje 12-14 000 bohcco juohke boazoorohatguovllus Romssas, Nordlánddas, Davvi-Trøndelágas, Mátta-Trøndelágas ja boazoservviin, čállá Eanandoallo- ja biepmodepartemeanta.

Ceavzilis njuovvan

Boazodoalluguovlluin Buolbmát/Várjjat, Kárášjoga oarjebealli, Davvi- ja Mátta-Trøndelágas ja boazoservviin ledje njuovvandeattut badjel gávcci kilo juohke ealihanbohccos.

– Sis lei buvttadeapmi mii oktiiheivii njuovvannorbmii mii lea evttohuvvon raporttas «Kriterier/indikatorer for økologisk bærekraftig reindrift» mii almmuhuvvui 2008:s

Positiiva njuovvandeattut

Guovdageaidnu guovdajohtolaga ja oarjjábeali misiin ledje njuovvandeattut mat ledje vuolábealde norpma, muhto eará boazodoalluguovllut ledje seammá dásis dahje bajábealde norpma. 

– Finnmárkkus vurdo positiiva ovdáneapmi njuovvandeattuin mii galgá dagahit eambbo njuovvama.

Boazoealáhus lea unna ealáhusaš nationála mihtus, muhto sámi ja báikkálaš oktavuođas de mearkkaša ollu ekonomiijii, bargosajiide ja kultuvrii. Ulbmil lea oččodit ekologalaš, ekonomalaš ja kultuvrralaš ceavzilis boazoealáhus Norggas, čállá Eanandoallo- ja biepmodepratemeanta. 

-Almmuhus-