Dálkkádat lea hástalus boazoealáhussii, dan čájehit maŋemus guovtti jagi guohtunroasuid vásáhusat.
Romssa ja Finnmárkku stáhtahalddašeaddji háliida loktet dálkkádathástalusaid boazoealáhusas, ja háliidit ovttas boazosápmelaččaiguin gávdnat buriid čovdosiid boahtteáigái.
– Dálkkádat leat hástalus boazoealáhussii, dan leat oaidnán maŋemuš guokte jagi go lea leamašan guohtonroassu. Boahtteáiggis bohtet leat lieggaset dálkkit eanet arvedálkkit ja vearrát dálkkádat, čállá stáhtahálddašeaddji preassadieđáhusas.
Sierra seminára
Stáhtahálddašeaddji lágida dan oktavuođas sierra dálkkádatseminára boazosápmelaččaide. Okta gažaldat lea maid orohagat dahket go dálkkádat rievdá. Orohagaid siskkáldas njuolggadusat, earret eará guođohaneatnamiid geavaheapmi boahtá leat guovddážis ja dat boahtá maid leat vuođđun orohagaid plánaide. Romssa ja Finnmárkku stáhtahálddašeaddji háliida gullat boazodolliid iežaset oainnuid ja dan sivas lágidit dálkkádatseminára boazoealáhusa várás.
– Leat boazosápmelaččat geat čohkkájit čoavdagiin doaimmaide ja buriid čovdosiidda, čállá stáhtahálddašeaddji.
Ovttas dustet hástalusaid
– Mii háliidat leat veahkkin orohagaide ráhkadit doaibmanjuolggadusaid. Nu ahte sáhttit ovttas dustet hástalusaid mat boazodoalus leat, sihke dál ja boahtteáiggis, čállá stáhtahálddašeaddji.
Semináras dollet sáhkavuoruid sihke boazosápmelaččat geat beaivválaččat barget bohccuiguin ja Norgga Boazosápmelaččaid Riikasearvi nuoraidlávdegoddi. Skábmamánu 1. beaivvi lágiduvvo seminára Deanus, skábmamánu 2. beaivvi Guovdageainnus ja skábmamánu 4. beaivvi Romssas.
