Stuorámus fievrridanplána mii goassege leamaš lea Davvi-Norggas álggahuvvon. Plánejeaddjit háliidit deaivvadit nu olu boazodoalu njunnošiiguin go vejolaš guovtti vahkku geahčen.
«KVU Davvi-Norga» lea Norgga historjjá stuorámus plánenprošeakta fievrrideamis. Dat fátmmasta buot fievrridanvugiide ja lea ovttasbargu Stáda geaidnodoaimmahagain, Ruovdemáđiidirektoráhtain, Avinorain ja Riiddodoaimmahagain. Dál dárbbašit dieđuid boazodoalu birra olles riikkas.
Gaskavahkku njukčamánu 23. beaivvi bovde prošeakta ovttas Sámedikkiin, Stádahálddašeddjiin ja Norgga Boazosápmelaččaid Riikkaservviin seminárii «Mo sihkkarastit buori areálageavaheami» Scandic hoteallas Kárášjogas.
Prošeaktajođiheaddji Signe Eikenes sávvá nu olusiid go vejolaš boazoealáhusas boahtit čuvget sihke hástalusaid ja vejolašvuođaid boazodoalu birra Ruošš arájás davvin Troanddima rádjái lulde.
– Dál lea vejolašvuohta beassat mielde válljet boahtteáigge geainnu. Dat máhttu mii boazoealáhusas lea, dat lea midjiide vearditmeahttun oahppu go sii dovdet guovllu buoremusat, dadjá Eikenes.
