Dán jagi leat Sámi joatkkaskuvllas ja boazodoalloskuvllas olu ohccit. Sadjásaš rektor, Sara Ellen Anne Eira, lohká ahte lea hirbmat somá go leat olu ohccit.
Dán jagi leat Sámi joatkkaskuvllas ja boazodoalloskuvllas olu ohccit. Sadjásaš rektor, Sara Ellen Anne Eira, lohká ahte lea hirbmat somá go leat olu ohccit.
– Jo2 boazodoallosuorggis leat earenoamáš olu ohccit dán jagi, ja lea hirbmat somá oaidnit dan!, dadjá Eira.
Sámi joatkkaskuvlla ja boazodoaluskuvlla boazodoallosuorgái leat 49 ohcci dán jagi, ja Eira muitala ahte dat lea olu buoret go diimmá logut.
Olu medias leamaš
Sadjásaš rektor doaivu ahte soaitá nu bivnnut dát oahppu go lea beaggán olu medias ja sosiála mediain, go lea áidna boazodoalloskuvla ja soitet eará guovllu sámi nuorat fuomášan dan oahpu.
– Mis eai leat go guoktenuppelohkai saji boazodoallosuorggis, nu ahte sávan dat divvet, dadjá Eira movttegit.
Min mielas lea hirbmat somá go eará guovllu nuorat maid bohtet min oahpuid váldit, lohká son.
Stuorát ođas
– Dat ahte mis lea restoráŋŋa- ja biebmofágas nu olu ohccit ahte sáhttit álggahit dan fas, lea measta stuorát ođas, dadjá Eira ja reaškkiha oanehaččat.
Restoráŋŋa- ja biebmofágas leat dán jagi gávcci saji ja viđas leat ohcan.
Eira lohká ahte dál orrot jagis jáhkái lassáneame ohccit sin skuvlii, ja lea hirbmat duđavaš dainna.
Son loahpaha dainna ahte ii loga ballat ahte oahppit eai álgge oahpuide, ja sávvá buohkaide bures boahtima skuvlii.
