-Almmuhus-
-Almmuhus-
SMÁVVAOĐĐASATBoazodoallo­stivra ii leat vel meannudan orohat 13 boazo­logu 

Boazodoallo­stivra ii leat vel meannudan orohat 13 boazo­logu 

-

-

Boazodoallostivra lea maŋidan orohat 13 Lágesduoddara boazologu ášši geassemánu 21. beaivái. 

Mannan vahku, geassemánu 8. beaivvi, lei boazodoallostivrras čoahkkin, ja áššebáhpáriin boahtá ovdan ahte stivra galggai meannudit orohat 13 siidaosiid gorrelogu vuođul unnidit boazologu. Boazodoallostivra čállá protokollas ahte sii leat digaštallan ášši ja mearridan meannudit ášši geassemánu 21. beaivvi. 

Lágesduoddara orohagas lea čađahuvvon bággolohkan, ja gaskaboddosaš lohku čájehii ahte orohaga obbalaš boazolohku lea 15 071 oktan čearpmahiiguin. Orohaga gaskaboddosaš čearpmatlohku lea 4678. 

Mearriduvvon bajimus boazolohku orohagas leat 10 000 heakka. 

-Almmuhus-