-Almmuhus-
-Almmuhus-
OĐĐASAT Boazodoallodirektevra luohpá

Boazodoallodirektevra luohpá

-

-

Eanandoallodirektoráhta boazodoalloossodaga direktevra, Magnar Evertsen, luohpá virggistis.

Son lea bivdán direktoráhtas lobi luohpat, ja son manná eará virgái mas doaibmá boazodoalloossodaga fágadirektevran.

Su sadjásažžan doaibmá Liv Berit Hætta gaskaboddosaččat.

 

Moadde jagi bisttii

Guovdageaidnulaš Magnar Evertsen álggii direktevran 2014 geasi. Son lei virggis vuollel golbma jagi.

Direktoráhta boazodoalloossodaga direktevran, dahje boazodoallohoavdan, nu go ovdal lei virggi namahus, leat leamaš olu olbmot dan rájes go guovdageaidnulaš Ellen Inga O. Hætta luobai 2011:s.

Hætta lei boazodoallohoavdan logi jagi, gaskkohagaid son lei maid stáhtačálli.

Su maŋis leat doaibman boazodoallohoavdan Asbjørn Krantz, Jan-Yngvar Kiel, Ola Christian Rygh, ja maŋemus vel Magnar Evertsen.

 

 

- Advertisement -
-Almmuhus-