Lujávrri suohkana boazobargiin leat dán vahkkus dehálaš barggut. Earát ges návddašit luomuid.
Lujávrri suohkana boazobargiin leat dán vahkkus dehálaš barggut. Earát ges návddašit luomuid.
Ođđajagiruohta ja logi beaivvi ovddosguvlui lea šattan báhkas áigodahkan Tundra nammasaš boazodoallofitnodaga boazobargiide Lujávrri suohkana Guoládatnjárggas.
– Boazodolliin leat gárddástallan barggut dain beivviin go galget lohkat, merket ealu, ja sirdit oasi ealus maid galget maŋŋel njuovvamii oažžut, čilge Lujávrri kulturguovddáža direktevra Tatiana Sechko RIA Novosti ođasdoaimmahahkii.
Ruošša almmolaš kaleandara mielde ođđa jagi basit bistet 1-10 bb. dán mánu. Dán áigodaga vel gohččodit “ođđa jagi luomustallan”. Vaikko boazodolliin leat barggut dál, de áŋke Sechko sániid mielde sápmelaččain lea iežas Juovlanigá man namma lea Mun’ Kalssa.
– Sápmelaččain eai lean čielga dáhtonat goas ávvudit Ođđajagiruohta. Ollu lei gitta das makkár dálki lei. Go mii diehtit man ollu barggu lea boazodoalus, ja juste ođđajagiruohta ja das ovddosguvlui lea áigi go boazodoallit organiserejit, merkejit ealu, ja sirdet oasi ealus njuovvamii.
Dan jagi dálki váikkuhii boazobargguide.
– Borggat bissehedje veahá boazobargguid go boazodoallit eai nagodan doallat ealu. Bohccot dálkki geažil ledje eambbo vildasat go dábálaččat, ohcaledje sajiid gos vurde dassážii go nohke borggát ja gárra biekkat, muitala Sechko.
Sechko sániid mielde sápmelaččat- boazodoallit ođđajagiruohta johte ja guossástalle ránnjá siiddain ovdalaš áiggi.
