Oarje-Finnmárkku politiijat dutket ášši mas muhtun boazodoalli lea váidon go galgá leat verrošan alcces badjel čuođi duhát ruvnna doarjaga.
Oarje-Finnmárkku politiijat dutket ášši mas muhtun boazodoalli lea váidon go galgá leat verrošan alcces badjel čuođi duhát ruvnna doarjaga.
Ášši lea 2010:s dáhpáhuvvon, muhto ii leat váidon ovdal 2014 jagis. Rune Norbakk, gii jođiha Oarje-Finnmárkku politiguovllu Økojoavkk, duođašta Finnmark Dagblad báberaviisii ahte sii leat ain dutkame ášši.
Boazodoallohálddahusas (dál Eanandoallodirektoráhta; journalistta mearkkašupmi) oaivvildit su dieđihan beare unnán bohccuid dieđihanskovis, muitala Solbakk.
Dieđihan beare unnán bohccuid
Direktoráhtta oainnu mielde lea dasto dát boazodoalli ožžon máksot beare ollu doarjaga, go várohit su dieđihan boazologu vuollelii go duođas ledje.
Dainna lágiin lea ožžon boazologu vulobeallái dan ráji mii gáibiduvvo jus galgá oažžut doarjagiid. Dat oassi mii soaitá leat mákson beare ollu lea badjel 100.000 ruvnna, lohká Norbakk.
Ávvira dieđuid mielde eai ožžon muhtun orohaga siidaoasit dien jagis máksot doarjagiid , jus boazolohku siidaoasis lei badjel 600 bohcco.
