Muhtin boazodoalli šattai gaskavahkku eahkeda jávkadit guokte beatnaga mat ledje gaikkodan su bohccuid Sálliris Romssa gávpoga lahka.
Muhtin boazodoalli šattai gaskavahkku eahkeda jávkadit guokte beatnaga mat ledje gaikkodan su bohccuid Sálliris Romssa gávpoga lahka.
Boazodoalli šattai maid jávkadit guokte bohcco mat ledje bahut hávváduvvon, dieđiha NRK.
– Go beatnagat rohkkáhit bohccuid ja šibihiid, de lea boazoeaiggádis lágalaččat lohpi jávkadit beatnagiid dasttánaga. Lihkus ii dáhpáhuva dát nu dávjá, muitala Romssa politiijaguovllu operašuvdnajođiheaddji Jøran Bugge.
Ceggejit ráŋggáštusášši
Beatnagat rohkkáhedje čieža-gávcci bohcco gaskavahkku eahkeda. Ii leat diehtu manne beatnagat ledje luovos, ja Bugge muittuha ahte beatnagat galget bákkus leat gitta dán áigodaga.
– Mii cegget ráŋggáštusášši ja áigot dutkat máŋga beali dán áššis, muitala son.
Beanaeaiggát ja boazoeaiggát šiehttan
Beanaeaiggát muitala Nordlys aviisii ahte beatnagat eai láve leat luovos, muhto ledje beassan luovos beanaáiddis árabut dan eahkeda. Beanaeaiggát ja boazoeaiggát leaba šiehttan ahte beanaeaiggát galgá buhtadit bohccuid maid šattai goddit.
– Son dagai dan mii lea riekta dahkat, muhto dat lea surgat, dadjá beanaeaiggát dáhpáhusa birra. (©NTB)
