Kárášjoga boarrásiidráđđi lea buktán cealkámuša gieldda johtolatsihkarvuođaplánii, maid leat gieđahallan čoahkkimis čakčamánu 11.beaivvi. Gos dáhtot earet eará vázzingeainnu Fitnodatgeidnui.
Kárášjoga boarrásiidráđđi lea buktán cealkámuša gieldda johtolatsihkarvuođaplánii, maid leat gieđahallan čoahkkimis čakčamánu 11.beaivvi. Gos dáhtot earet eará vázzingeainnu Fitnodatgeidnui.
Boarrásiidráđđi lea gieđahallan cealkámuša gieldda johtolatsihkkarvuođaplánii, gos dáhtošii earet eará ahte ráhkaduvvo vázzingeaidnu Rema 1000 buvdda guoras Fitnodatgeainnus.
Vuoiŋŋastanstuoluid
Dasa lassin leat evttohan ahte márkanii biddjojit eambo vuoiŋŋastanstuolut, erenomážit guhkes gaskkain gos boarrásat vánddardit.
Sii bivdet maiddái ahte alla rávddat vázzinbálgás Coop buvdda šiljus váldojit eret.
Maiddái ahte alla rávda skuvlageainnus, Biepmu boradanbáikki buohta, váldo eret ja maiddái kirku buohta.
Cuiggodit čievrra
Sii cuiggodit maiddái čievrra olggobealde kirku ja háliidit dán jávkaduvvot, dan sivas go dagaha veadjemeahttumin beassat rullastuoluin ovddos guvlui ja maiddái váttisin vázzit dan alde.
Sii dáhtot maiddái ahte leaktocakkit geahpeduvvojit márkanis.
Dasa lassin bivdet dávjjit dollot politiija dárkkistemiid, muhto ii fásta beivviin.