Ođđa ásahuvvon spábbačiekčanlihttu FA Sápmi lea ožžon 600 000 ruvnnu doarjaga nuoraid spábbačiekčamiidda.
Boahtte guokte jagi galget nuorat vuoruhuvvot sámi spábbačiekčamis. FA Sápmi lea ožžon 614 000 ruvnnu doarjaga mii visot galgá mannat nuoraid spábbačiekčamii sin bokte.
Lea Arvfonden Ruoŧa bealde mii doarju FA Sámi nuoraid čiekčama. Sii juolludedje cuoŋománus 105,8 miljovnna ruvnnu 68 iešguđet prošektii. Dán 68:s ledje 33 ođđa prošeavtta mat juogadedje 45,5 miljovnna. FA Sápmi lea okta dain. Sii leat ožžon guovtti jahkái doarjaga, vuosttas jagi fidnejit 307 000 ruvnnu, nuppi jagi seamma supmi.
Illusáhka
Dát stuorra illun FA Sámi presidentii ja stivrii geat mearridedje gieskat stivračoahkkimis vuoruhit čohkket gaskal 14- ja 16-jahkásaš sámi spábbačikčiid.
– Dát lea duođaid illusáhka ja dál viimmat beassat čohkkegoahtit nuoraid, dadjá ilolaš FA Sámi presideanta Håkan Kuorak.
Loga olles ášši maŋŋebárgga báberaviissas.
