-Almmuhus-
-Almmuhus-
GUOIMMUHEAPMI Boahtte vahku horoskohpa

Boahtte vahku horoskohpa

-

-

FIERCA

21/3-19/4

Dál barggat buoremusat jus leat dárkil visot smávva detáljažiiguin. Suolggaid huššat. Ruovttus soaitá leat hoahppu divvut juoidá. Barggus guovdilasttát buori gulahallama, olgoriikii maid. Leat jurdagiid siste, ja jurddašat eallima gažaldagaid birra. Luohte alccet.

Dán vahkku sátni: Ráhkkaneamit!

VUOKSÁ

20/4-21/5

Soaittát fertet veahkehit oappát dahje vieljat, dahje eará lagas olbmo, gii sáhttá vásihit juoidá mii lea dramáhtalaš. Veahkehat dan dihte go háliidat. Sáhttá leat dehálaš iskat dárbbaša go biilla dahje sihkkela divvut. Vuoje várrogasat ja čuovo johtolatnjuolggadusaid. Meahcis vánddardit vahkkoloahpas, addá návccaid. Dán vahkku sátni:

Lagasvuohta!

JUMEŽAT

21/5-21/6

Leat bivnnut dál. Du movttegis luondu geasuha positiivvalaš fuomášumi. Dál lea buorre áigodat iežat dikšut. Jus leat ámmátlaš organisašuvnnas miellahttu, doppe sáhttá dáhpáhuvvat juoga mii šaddá dehálažžan dutnje. Jus mánát geat du eallimis leat, diggojit gaskaneaset, hutkka suohtas doaimma maid buohkat sáhttet fárrolaga bargat.

Dán vahkku sátni: Oktavuohta!

REABBÁ

22/6-22/7

Álgovahkus sáhtát fuobmát movt barggat dihto doaimmain mainna vuorjašuvat. Molssaeaktun lea geassádit doaimmas. Jurdil bures ovdal válddat mearrádusaid. Barggus sáhttet rievdadusat šaddat, leage máškit. Dárkkistat dearvvašvuođadábiidat, ja fuobmát ođđa áššiid maid háliidat geahččalit.

Dán vahkku sátni: Inspirašuvdna!

LEDJON

23/7-22/8

Ale váldde badjelmeare badjelassii. Lea ge realisttalaš, sihke das maid nákcet ja mii lea vejolaš. Sáhttet šaddat maŋŋoneamit. Soaittát maid gullat ahte oskkoldatlaš- dahje eará searvvis masa liikot, lea dramatihkka. Dat sáhttá leat ággan dárkkistit iežat oskku.

Dán vahkku sátni:

Hirpmáhuhttin!

BUHTISNIEIDA

23/8-22/9

Dus lea hušša, muhto lea dehálaš ahte it váibat iežat. Muitte vuoiŋŋastit vai it buohccá. Soaittát šaddat divvut, dahje lonuhit juoidá ruovttus. Elektrovnnalaš reaiddut sáhttet billahuvvat. Ruhtadilli lea njoahci, muhto vuordde rievdademiin dassážii go dus lea buoret oppalašgovva. Vahkkoloahpas lea buorre iežat dikšut.

Dán vahkku sátni: Mearri!

VIEHKAT

23/9-22/10

Olgoriika oktavuođat leat guovddážis. Dat sáhttá leat juogo du persovnnalaš eallima dahje barggu oktavuođas. Soaittát plánet boahttevaš mátki. Jus dus leat oappát dahje vieljat, muhtin sis soaitá veahki dárbbašit. Go leat veahkehan, sáhtát vuoiŋŋastit ruovttus vahkkoloahpas.Dán vahkku sátni:

Diplomatiija!

SKORPIUVDNA

23/10-21/11

Du beaivválaš barggus sáhttet šaddat rievdadusat. Lea alccet ávkin ahte it jierásnuva. Jus leat váldime alit- dahje joatkkaoahpu, de sáhttá oahppoplána rievdaduvvot. Dearvvašvuohta ja energiija lea buorre. Soaittát fuobmát ođđa dálkkodemiid. Vahkku loahpas guovdilasttát iežat olbmáid. Dán vahkku sátni: Máškit!

BÁHČČI

22/11-21/12

Dus lea buorre álgovahkku, go gulat buriid ođđasiid. Don movttiiduvvot muktit iežat stiilla, iežat olgguldas gova. Jus dus leat mánát, sii soitet dárbbašit čuovvoleami. Fuolat ahte mánáin leat dearvvašlaš doaimmat. Muhtin du olbmáin sáhttá leat vásihan juoidá mii lea dramáhtalaš. Lea ge dorvun sutnje, muhto ale vajálduhtte iežat.

Dán vahkku sátni: Ođasmahttin!

BÁKTEBOHKKÁ

22/12-19/1

Dál leat guovddážis olbmuid gaskasaš oktavuođat. Barggus sáhttet šaddat rievdadusat. Dat manná nu go háliidat. Don barggat, ja gearggat váigadis bargguiguin. Dearvvašvuohta ja energiija lea buorre, muhto ii badjelmearálaččat. Dus lea fokus iežat dearvvašvuođadábiide. Ovttaskas olbmot soitet liikostit muhtun spirituála olbmui.

Dán vahkku sátni: Iešárvu!

ČÁHCEOLMMÁI

20/1-18/2

Álgovahkkus dus leat stuora ambišuvnnat. Iskka leat go áigumušat duođas čađahahtti. Lea dehálaš iskat iežat elektrovnnalaš reaidduid, dan ahte sihkarvuođavuogádagat doibmet. Leat maid hutkái, ja suohtastalat mánáiguin geat du eallimis leat. Vahkkoloahpas sáhttibehtet čáppadálkin suohtastallat.

Dán vahkku sátni: Geasseilut!

This image has an empty alt attribute

GUOLIT

19/2-20/3

Álgovahkkus sáhtát veahá vuoiŋŋastit, ja iežat dearvvašvuođa dikšut. Sáhtát iežat vuoruhit. Guovdilasttát ruovttu ja bearraša. Du lagamusat soitet dárbbašit čuovvoleami, ja beassat ságastallat dan birra mii rievtti mielde lea dehálaš. Ovttaskas Guolit sáhttet ruovttus bargat. Dál dus leat sihke kreatiivvalaš ja originála ideat.

Dán vahkku sátni:

Guovddášárvvut!

- Advertisement -
-Almmuhus-