-Almmuhus-
GUOIMMUHEAPMI Boahtte vahku horoskohpa

Boahtte vahku horoskohpa

-

-

Dás beasat lohkat maid astrologa einnosta boahtte vahkku dáfus.

FIERCA 

21/3-19/4

Dál fertet čájehit beroštumi earáide jus galggat beassat vásihit iežat. Gudnejahte vuosteháguid ja hástalusaid mat deaividit. Dat addá vejolašvuođa dutnje dovdat gii don leat, ja mii lea dehálaš dutnje. Jurdil buot hástalusaid birra maid leat vásihan mánnávuođa rájes, go dat attii dutnje vejolašvuođa dovdat man ealas don leat. 

VUOKSÁ 

20/4-21/5

Doalat duodjeávdnasiid čorgadin! Moivi mielddisbuktá ahte buot manná nu njozet, ja don it ovdán guđege guvlui. Buot manná njuovžilabbot jus doalahat fokusa ja struktuvrra. Dál sáhttá leat jierpmálaš jurdilit ahte dat čoavdašuvvá, jus čoavdašuvvá. Fuolat ahte buot lea nu go galgá, ja don nákcet doaimmahit olu. Jus doaivvut ahte buot doaimmahuvvo iešalddis, de gal it joavdda guhkás.  

JUMEŽAT 

21/5-21/6

Dát vahkku lea rabas romantihkalaš vásáhusaide. Sáhttá leat olbmuiguin, dahje amas vieruiguin eará riikkain. Don sáhtát ráhkásmuvvat muhtin viinna sortii, ráhkadanneavvagii dahje muhtin mátkebáikái. Dán áigodagas galggat guorahallat eksohtalaš beliid. Muitte fal ahte it galgga duhtat smávva osiide, muhto geahččalit ja máistit buot. 

REABBÁ 

22/6-22/7

Jus juoga mii lea divrras dutnje jávká, de it leat doarvái bures gozihan dan. Dán vahkku lea hui buorre vilppastit ja rahpat čalmmiid. Dat guoská maid du lagamusaide, leaš dal bearrašis dahje mielbargit. Dál gánnáha čielggadit boasttuáddejumiid ja illušuvnnaid heaittihit. Mađi eambbo realisttalaš leat, dađi álkit lea maid eallin. 

LEDJON 

23/7-22/8

Atte fuomášumi lagasbirrasii. Doppe lea soames gii dárbbaha doarjaga, dahje gii dárbbaha dus juoga. Dat sáhttá leat hástaleaddji, muhto deháleamos lea ahte buohkat besset dadjat maid duođai oaivvildit. Lea deháleabbo bidjat sániid dasa, ovdalii go gávdnat čovdosa. Lagasvuođa olaha go beassá dadjat maid duođai oaivvilda. 

BUHTISNIEIDA 

23/8-22/9

Fátmmas dan mii lea du ovddabealde, ja bargga juoga dainna. Geavat iežat taleantta ja valljodaga. Ale dušše čohkká ja pláne. Dán vahkku lea vuogas čájehit hutkáivuođa. Lea go dus miella juogo stoahkat, dánsut dahje njuhttet, de lea dál áigi bargat dan. Ale bala bargamis dan maid háliidat. Guldal rupmaša ja bargga juoga mii buktá ilu. 

VIEHKAT 

23/9-22/10

Sávat go rievdadusaid, de sáhtát bargat juoga dainna. Don sáhtát rievdadit iežat! Muitte ahte don it sáhte stivret earáid miela. Don galggat eráide dovddastit iežat ja čájehit gii don duođai leat. Ráhkisvuohta ja lagasvuohta lea dehálaš dán vahkku. Jus earát dárbbašit du dahje jus ožžot ilu dus, de galggat rahpasit čájehit ahte ráhkistat sin, muhto daga dan iežat vugiin. 

SKORPIUVDNA 

23/10-21/11

Mana ovddas guvlui veahážiid mielde. Ii leat hoahppu. Jus juoga lea eahpečielggas ja don dovddat iežat eahpesihkarin, de galggat váldit gulul. Don beasat fargga eret mierkkás ja de lea álkit bidjat fas leahtu. Jus leat ain návccat, de bija áiggi guorahallat iešguđetlágan vejolašvuođaid ja jurdagiid. Ale álgge ovdal go áigi lea láddan dasa. Go doibmet, de galggat leat nu dárkil ja áiddolaš go nagodat. 

BÁHČČI 

22/11-21/12

Vaikko leat bidjan plánaid ja dieđát juste gosa leat manname, de liikká galggat leat gearggus dustet rievdadusaid plánain. Leat go eahpesihkar? Gávnnat maid don áiggut, ja mana ovddas guvlui smávva, muhto dihto lávkkiiguin. Máilbmi gáibida dus olu fuomášumi dáid beivviid. Doalat fuomášumiid rivttes sajis, ja doibme áššiid. Rahčan ja čehppodat buktá mávssu ja ovdáneami.

BÁKTEBOHKKÁ 

22/12-19/1

Jus áiggut ollašuhttit iežat sávaldagaid, de fertet geavahit iežat autoritehta. Du bargun šaddá geavahit iežat autoritehta nu ahte it bearehaga čevllohala. Jus dan galggat nagodit, de lea dehálaš ahte luohtát ja dovddat iežat siskkaldas autoritehta. Álkit daddjon: Don fertet vuosttažettiin luohttit ja jáhkkit alccat, ovdal go earát sáhttet luohttit dutnje.

ČÁHCEOLMMÁI 

20/1-18/2

Njuike bajás. Ale vuojo dovdduide ja jurdagiidda. Dát vahkku sáhttá šaddat rivttes somán jus gávnnat muhtima geainna sáhtát suohtastallat. Ale bija nu alla vuordámušaid alccat ja earáide. Fátmmas eallinvuorbbi mii geigejuvvo dutnje ja dohkket dan. Vuorddát go ahte máilbmi galgá rievdaduvvot dahje rievdadusaid árgabeaivvis, de dat sáhttá váldit oalle guhkes áiggi. Leage baicca ilus dainna eallimiin mii dus lea. 

GUOLIT 

19/2-20/3

Jus don leat čiekŋalasas, de it beasa viidáseappot vaikko galát coahkásii. Buoret lea dutnje vuodjat vel fávlelebbui. Nu go jierbmás olmmoš Yoda oktii dajai: Ii leat mihkke mii lea geahččalit. Jus dagat dan, de dagat dan, jus it, de it daga dan. Ale álggat maidege man it hálit ollašuhttit dán vahkku. Jus it bija buot návccaid, de ii leat veara álgit ge.

- Advertisement -
-Almmuhus-