-Almmuhus-
GUOIMMUHEAPMI Boahtte vahkku horoskopa

Boahtte vahkku horoskopa

-

-

FIERCA

21/3-19/4

Leat go dus bohciidan ođđa jurdagat ja dovddat go ahte háliidat geahččalit juoga ođđa, de galggat guldalit ja čuovvolit jurdagiid.

Váldde iežat ámmátlaš eallima duođas, ja gávnnat geainna sáhtát ovttasbargat. Jus deaivvadat muhtimiin geasa sáhtát luohttit, de galggat beare lávket ovttasbargui.

Divtte barggu šaddat máinnasin, ja máidnasa bargun.

Stoaga duohtavuođain, ja váldde duođalašvuođa stoagusin.

VUOKSÁ

20/4-21/5

Jus don čorgadit čađahat iežat jurdagiid, ja gozihat buot áššiid, de manná buot njuovžilit.

Jus govččat čalmmiid ja divttát áššiid mannat iešalddis, de vásihat stuorra hástalusaid. Don fertet diehtit maid áiggut olahit.

Niegut ožžot leat eahperealisttalaččat, muhto don fertet geavahit jierpmi ja jurddašit realisttalaččat go galggat čađahit daid.

Dainnalágiin nagoda ollašuhttit stuorra bargguid.

JUMEŽAT

21/5-21/6

Lea dehálaš illudit earáid dihte. Ale jurddaš geas lea riekta, muhto baicca man olu oahpat earáin.

Don deaivvadat olbmuiguin geain lea stuorra mearkkašupmi du eallimii.

Buot buoremus dahku dus lea illudit go earát lihkostuvvet.

Atte earáide oasi dus ja don oaččut de das olu ilu.

REABBÁ

22/6-22/7

Ráhkisvuohta deaivida du. Sáhttá leat muhtin gean ovdalaččas ráhkistat, dahje juo deaivvadat soames earáin.

Deaivvadeamis don vásihat ilu, mii boahtá leat du boahttevaš geaidnu. Illu, inspirašuvdna ja mokta čájeha du váimmu duohtavuođa.

Ale doalat maide, čájet gii don leat. Dan maid dál čađahat, dat lea du eallimis guhkit áigge, nu ahte bargga dárkilit. 

LEDJON

23/7-22/8

Illut iežat dihte. Leage hutkái ja dánsso bevddiid alde. Njuhtte gova.

Dál ii leat áigi ujostallat! Du ilu dihte oaččut váldit eanet saji go muđui, ja fargga oaččut eambbosiid vel fárrui.

Jus luoittát olggiid, de lea okta čuolbma hui dehálaš ollašuhttimii: Čađat juoga mas du mielas lea kvalitehta, ja man nákcet 100 proseantta.

De dus lea alla standárda.

BUHTISNIEIDA

23/8-22/9

Návddaš eallima ruovttus. Daga juoga mii du mielas lea dehálaš.

Ale jurddaš ahte galggat veahkehit, doarjut ja bagadit.

Jurddaš baicca ahte galggat doibmet juoga mas lea mearkkašupmi dutnje, ja divtte dan váldit oasi iežat eallimis.

Lea viissisvuohta čađahit bargguid mat buktet ráhkisvuođa, ilu ja čábbodaga.

Jus dan galggat nagodit, de fertet vuosttažettiin ráhkistit iežat – ja dan barggu galggat váldit duođas.

VIEHKAT

23/9-22/10

Álggus dán vahkku rahpasit uvssat. Ale váldde buotlágan vejolašvuođaid, muhto vuordde dan rievttes.

Gozit ahte du barggus lea kvalitehta, ja ahte das lea seamma árvu go dan maid don dovddat.

Rievtti mielde lea dat hui álki.

Du váibmu čájeha maid don háliidat addit ja juogadit. Guldal váimmustat, ja duvdde eret eahpádusaid go čuovut váimmu.

SKORPIUVDNA

23/10-21/11

Geavat iežat attáldagaid. Mieđit, ja illut ovdánemiiguin.

Lea oiddolaš doalahit uvssaid rabas ekonomalaš vuoittuide ja praktihkkalaš sukseassaide.

Boahtá leat buorrin čájehit earáide maid don máhtát, ja makkár árvvut dus leat. Ale divtte earáid mearridit man olu árvu dus lea.

Dan barggu galggat ieš fátmmastit, ja jurddaš ahte leat divrras juohke ládje.

Dat lea buorre investeren, go de earát maid dovdet dan.

BÁHČČI

22/11-21/12

Álggus vahkku oaččut olu fálaldagaid. Muhto dain leat muhtin čuolmmat.

Fálaldagat gáibidit ahte dagat juoga daiguin, ja ahte válddát ovddasvástádusa das maid leat bidjan johtui.

Álggos čađahat dan álkes oasi, ovdal go boahtá bargu mii duođai gáibida dus návccaid.

Barggu oktavuođas galggat jurddašit  ahte don borat bajáluša ovdal mállása.

Bajáluš lea njálggat ja geahpas, muhto mállásiin don easka gallánat ja oaččut dan buori dovddu maid dárbbašat.

BÁKTEBOHKKÁ

22/12-19/1

Seammat livčče vuogas bidjat iežat sávaldagaid ja dárbbuid vuosttažin?

Dán vahkku oaččut olu fálaldagaid ja vejolašvuođaid. Loga juo eallima iluide.

Dál ii leat áigi dahkaluddat ahte leat udju. Jus dieđát vástádusa ja jus oainnát čovdosiid, de galggat dadjat dan jitnosit.

Geavat iežat viissisvuođa ja diđolašvuođa. Leage nu dárkil go vejolaš.

Dat boahtá doaibmat buoremusat.

ČÁHCEOLMMÁI

Dál lea vuogas oahpásmuvvat ođđa olbmuiguin ja searvat sosiála dáhpáhusaide.

Daga juoga iežat ideálaiguin, ja bisán áinnas joavkkuide main lea seamma ulbmil go dus.

Jus leat beare olu áiggi bidjan doaimmaide maid earát sávvet, de lea dál áigi jorgalahttet dan ja baicca doaimmahit juoga maid don ieš háliidat ja niegadat.

Lea deháleabbo ahte don čuovut iežat dovdduid, ovdalii go buriid bohtosiid čájehit earáide.

GUOLIT

19/2-20/3

Don leat guhkit áigge juo suokkardan iežat siskkimus dovdduid.

Dán vahkku beasat dovdat rievdadusa.

Divtte dovdduid movttiidahttit du, ja čájet dan máilbmái. Luohte dasa mii movttiidahttá du.

Guldal dovdduid, ja don šattat nu gievra go háliidat šaddat.

Don leat dál hui rabas dadjat ja buktit oaiviliid das mii dus lea váimmus ja jurdagis. Daga fal dan

Horoskopa ráhkadan: Atle Skretting, astrologa, NTB

- Advertisement -
-Almmuhus-