-Almmuhus-
GUOIMMUHEAPMI Boahtte vahkku horoskohpa

Boahtte vahkku horoskohpa

-

-

Dás beasat lohkat maid astrologa einnosta boahtte vahkku dáfus.

FIERCA

21/3-19/4

Háliidus eallit hoavddaid vuordámušaide dagaha ahte don barggat eanet barggus go maid lea dárbu, ja boađus lea dađi mielde.

Jus it leat menddo vuovdnái, de sáhtát rehkenastit veahki gos it leat vuordán. Iežat hutkáivuođabargguin rámiduvvot.

Soaitá don vásihat  dan cakki luovvanit mii lea caggan dan hutkáivuođa dahje sáhtát maid gávdnat ođđa dadjanvugiid. 

 

VUOKSÁ

20/4-21/5

Barggus fertet geahpedit vehá dan huša dahje bargat čoavdit muhtin riiddu earáid gaskkas.

Dát sáhttá šaddat sosiálalaš ja somá, muhto fertet oamastit geargat dainna mat leat du barggut.

Dovddat maid ahte leat čatnon bearrašii, muhto maiddái háliidat iežat geainnuid johtit.

Jus háleštat dattetge muhtimin gii lea dutnje lagaš ja lea positiiva, de sáhttibehtet loahpa loahpas ovttaoaivilvuhtii boahtit.

 

JUMEŽAT

21/5-21/6

Dál it váldde šat eallima ja áššiid mat leat du givssidan nu lossadit ja duođalažžan.

Dát sáhttá maid njoammut guoibmái, ja gaskavuohta sáhttá buorránit.

Muhtin vuorddekeahtes diehtu sáhttá dili rievdadit, danin fertet smiehtastit ovdal go man ge lágan e-poastta sáddet mii sáhttá dulkojuvvot boastut.

Jus eahppi soabat dan maid eaiggáduššabeahtti, de farga boahtá muhtin mii čuvge dan earáláhkái.

 

 

REABBÁ

22/6-22/7

Dál leat hutkái ja dárbu čájehit iežat persovnnalašvuođa.

Dat geavvá romantihka bokte, ja dás boahtá maiddái muhtin smávva moarsastallan dahje irggástallan.

Muhto dál leat eanet hearki go muđui, erenoamážit lagašolbmuide, smiehtas fal ovdal go ovtta ge álggát divodallat.

Vuorddekeahtes ruhtagáibádusa oaččut, dahje muittuhuvvot ahte galggat leat várrugas ruhtageavahemiin

 

LEDJON

23/7-22/8

Diplomáhtalaččat hálat bures iežat ovddas, ja dál lea vuogas áigi čoavdit muhtin áššiid.

Ođđa mokta badjána ja ovttastallagoađát eanet earáiguin. Muhto guimmiin leat eanet gierdameahttun go muđui ja vuorddát ahte son galgá áddet du fáhkkestaga fuomášumiid. Dás sáhttet šaddat reakšuvnnat, danin gánniha ge gulul váldit ja guldalit guoimmi ja skihpáriid háliidusaid maid.

 

BUHTISNIEIDA

23/8-22/9

Dál leat hui jaskat, ja lea vuogas áigi guorahallat ja mediteret iežat 

Vásihat vehá buorebuš ruhtadili, ja bijat deattu seastimii maŋit áigái, muhto dál ii leat vuos áigi makkárge riskkaid váldit ruđa dáfus.

Soaitá don leat eanet duođalaš dál sihke alccet, gaskavuhtii ja skihpáriidda go muđui, muhto ale fal vajálduhte romantihka.

 

 

VIEHKAT

23/9-22/10

Ruđas oainnát vejolašvuođaid ja it ge bala álggahit ođđa prošeavttaid.

Dainna sáhtát vuoitit, muhto sáhttá maiddái dagahit ahte dohppet dárbbašmeahttun liibbaid.

Liekkusvuođaplanehta nanne du persovnnalaš geasuheami, ja čuovggat šiegavuođain ja soaitá vel ahte bálkestat čalmmi muhtimiidda.

Dát lea ávkin dutnje, erenoamážit ruovttus, go don dárbbašuvvot luovvanišgoahtit ja it ge buot nu duođalaččat váldit.

 

SKORPIUVDNA

23/10-21/11

 

Dál smiehttagoađát vuđoleabbot daid fuomášumiid maid ovdal leat dušše smiehtadan.

Dál leat dat eanet rávásmuvvan ja danin oainnát daid eará láhkai.

Don fertet leat maid gearggus bealuštit oaiviliiddát lagašbirrasis.

Barggus dahje skuvllas fuomášuvvot dahje bajiduvvot hoavddain.

Das oainnát ođđa vejolašvuođaid dahje árvvoštalat iežat saji eará oainnuin.
 

 

 

 

BÁHČČI

22/11-21/12

Dál leat áibbas sihkkar mii dutnje gullá ja doaladat maid das nannosit.

Jus bealuštat muhtima ovdal go garvit guldaleames, de lea stuorra vejolašvuohta ahte doppe lea doarjja maŋit áiggis.

Duohtavuođat hástaluvvojit ođđa oaiviliiguin dahje ođđa oahpuin.

Dál vásihat ovdáneami persovnnalaččat ja leat beassan eret dan áddejumis mainna du eanaš skihpárat eai leat vel geargan.

 

BÁKTEBOHKKÁ

22/12-19/1

Dus lea dál buorredáhtolašvuohta, ja jus leaččat barggus dahje skuvllas de oidnet du oaivámuččat dus dan positiivvalaš beali.

Dus leat ollu fámut ja ovdáneamit, muhto de leat várrugas ja eahpidat dakko gokko galggašit doaibmat, nu ahte don barggat vehá cakkiin.

Sihke gaskavuođas ja ustitvuođas lea dál váralaš šaddat menddo kritihkalaš ja hárdašuvat dainna.

Nie bohciidit riiddut, luoitilaste olggiidat ja ale beroš menddo ollu duššiiguin.

 

 

ČÁHCEOLMMÁI

20/1-18/2

 

Earáide šaddá dál ovddasguvlui olu buoret gaskavuohta dus.

Jus dohkkehat earáid oaiviliid maid, de lea dat riggodat dutnje maid.

Muhto dus boahtá johtilit gilvovuoigŋa iežat birrasis ja fertet čalmmustahttit iežat ahte leat buoret ja leat čeahpit go earát.

Jus leat rabas ja guottuid haga, de lea vejolaš don deaividat máŋga gelddolaš olbmuid geainnuidat alde.

 

GUOLIT

19/2-20/3

Barggus dahje skuvllas liikot bargat bargguidat.

Dasa rámiiduvvot go oidnet dan positiiva vuoiŋŋa, danin sáhtát ge ovddiduvvot dahje soaitá maid ođđa bargu oaidnimasas. Dál lea vuogas áigi smiehttat dearvvasvuođa birra, ja lea maiddái vuogas áigi lášmmohallagoahtit, nu mo yoga dahje tai chi, das sáhtát viežžat fas daid rumašlaš čiegus návccaid.

- Advertisement -
-Almmuhus-