-Almmuhus-
-Almmuhus-
-Almmuhus-
OĐĐASATBoahtte jagi rievdá jahkedivada máksinvuohki

Boahtte jagi rievdá jahkedivada máksinvuohki

-

-

Ođđajagemánu šattat máksigoahtit jahkedivada mánnosaččat, ja das rievdá namma Johtolatdáhkádusdivadin.

Ođđajagemánu 1.beaivvi 2018 rájes rievdá supmi man mávssát biiladáhkádusa ovddas, go dáhkádusfitnodagat galget gáibidit jahkedivatmávssu biilaeaiggádiin, dieđiha Enter forsikring iežas neahttasiiddus.

Jahkedivadis maid rievdá namma Johtolatdáhkádusdivadin, ja ráđđehus lea sihtan dáhkádusfitnodagaid gáibidit dan mávssu man duolloetáhta ja vearroetáhta ovdal leat dahkan.

 

Okta sorttat vuoján beassá mávssus

Dál it mávsse šat johtolatdáhkádusdivada sierra máksinbáhpiris, muhto oktii biiladáhkádusain.

Jus mánnosaččat mávssát dáhkádusa, de mávssát maid johtolatdáhkádusdivada mánnosaččat, ja mávssát dušše daid beivviid ovddas go das lea dáhkádus.

El-biila evttohuvvo beassat eret divadis boahtte jagi stádabušeahtas.

Muđuid galget buot vuojániid ovddas máksit divada main lea ovddasvástideaddedáhkádus (biila, mopeda, mohtorsykkel ja ATV).

-Almmuhus-