-Almmuhus-
OĐĐASATBoahkuhišgoahtán guovdageaidnolaččaid

Boahkuhišgoahtán guovdageaidnolaččaid

-

-

Dál lea fas áigi boahkuhit influeansa vuostá. Guovdageainnus leat jo álgán.

Juohke jagi fállet olbmuide influeansaboahkkuma, ja dál lea fas dat áigi.

Dán jagi boahkuhit sihke Guovdageainnus ja Mázes, golggotmánu 3.-14. beivviid Guovdageainnus, ja golggotmánu 18. beaivvi Mázes.

 

Influensaboahkku ávžžuhuvvo sidjiide geat leat deavdán 65 jagi, sii geat orrot buhcciid- ja boarrásiidruovttus ja áhpehis nissonolbmuide 12. vahkku rájes.

Dasa lassin ávžžuhuvvo mánáide ja rávisolbmuide geain lea sohkardávda, bissovaš váibmodávddat ja varrasuotnavigit, bissovaš vuoivvasdávda, bissovaš monimašdávda, bissovaš nevrologalaš dávddat dahje vihkki, heajos infekšuvdnagierdan, BMI badjel 40 ja eará duođalaš dahje bissovaš dávddat.

 

Dáidda fállo maiddá boahkku geahpesboalddáhaga vuostá, jus eai leat váldán dán boahku dan maŋemus viđa jagis.

-Almmuhus-