Sosialisttalaš gurutbellodagas (Sg) lei jahkečoahkkin mannan vahkkoloahpa. Bjarne Rohde oaččui fas luohttámuša ja lea Romsa ja Finnmárku Sg jođiheaddji fylkkastivrras.
Romsa ja Finnmárku Sosialisttalaš Gurutbellodat doalai jahkečoahkkima mannan vahkkoloahpa Álttás. SG čállet preassadieđáhusas sii dahke buori válgga jagis 2019 ja bellodat stuorru. Jahkečoahkkin maid čájehii dán go badjel 100 delegáhta deaivvadedje digaštallat ja mearridit politihka, ja seammás vel lonohallat vásáhusaid.
Romssa ja Finnmárkku sosialisttalaš gurutbellodaga fylkkastivrii válljejuvvui romsalaš Bjarne Rohde ođđasit fas jođiheaddjin.
Čáhcesullolaš Marit Magelssen Vambheim válljejuvvui nubbinjođiheaddjin.
Rohde ja Vambein ovddasteaba Sg riikkastivrras.
