Čakčamánu lea leamaš bivval ja olu arvi, dan dieđiha Metrologalaš Instituhtta.
Dálkestašuvnnat Østlánddas, Vestlánddas ja Trøndelágas ožžo duppal eanet arvvi go dábálaččat čakčamánus. Temperatuvra olles Norggas lei 0,7 ceahki badjel dábálaš temperatuvrra.
Relatiivvalaččat lei Finnmárku lieggaseamos, gos máŋga stašuvnna dieđihedje 1,5 ceahki erohusa dábálaš temperatuvrras. Muhtin stašuvnnat Nordlánddas ja Vestlánddas čájehit mánnosaštemperatuvrraid mat ledje 0,1 gitta 0,8 ceahki galbmasat go dábálaččat..
