-Almmuhus-
-Almmuhus-
OĐĐASATBivvaleamos dálvi 120 jagis Norggas

Bivvaleamos dálvi 120 jagis Norggas

-

-

Dan rájes go mihtideamit álggahuvvojedje 120 jagi áiggi,  čájehuvvo ahte dálvi lea 4,5 gráda bivvaleabbo go dat mii lea dábálaš. 

Dálvi lei 4,5 gráda bivvalet go dat mii lea dábálaš ja čájehuvvo maid ahte lea measta njuoskaseamos dálvi maid.

Lulli-Norggas olahusat 

Buot guovlluin earret Davvi-Norggas lei olahus bivvala dáfus. Nuorttabealde Lulli-Norgga lei gaskamearálaš temperatuvra guovvamánus 5,7 gráda badjel dan mii lei dábálaš 1961-1990 logu mihtidemiin. Ovddit geardde mihtiduvvui olahus mii lei 5,2 badjel dan mii lea dábálaš.

Bivvaleamos báiki lei Sunndalsøras (Møre ja Romsdal) gos ođđajagemánus mihtiduvvui 19 lieggagráda.

Čoavddatmohkki Kárášjogas mihtiduvvui buollašeamos báikin Norggas. Ođđajagemánu 28.beaivvi lei -38,6 gráda doppe.

Buollašeamos stašuvnnaid gaskamearálaš lohku:

Kárášjohka – Márkannjárga (Finnmárku) -11,7 galbmaceahki (4,2 badjel dábálačča) 

Čoavddatmohkki (Kárášjohka, Finnmárku) -10,9 galbmaceahki (3,8 badjel dábálačča)

Guovdageaidnu (Finnmárku) -10,7 galbmaceahki (4,3 badjel dábálačča)

Nubbin njuoskaseamos dálvi

Olles Norggas borggai dahje arvvii 70 proseantta eanet go dábálaččat áigodagas mii lea 1961 ja 1990 gaskka, ja lea 1990 rájes nubbin njuoskaseamos dálvi. Dušše 1988/1989 áigodagas lei njuoskaset, go lei 85 proseantta badjel dábálačča.

Eanet stašuvnna Vestlánddas, Innlánddas, Romssas ja Finnmárkkus lei 250 ja 300 proseantta badjel dábálačča. Soames stašuvnnat Romssas ja Finnmárkkus mihtidedje 75 proseanttas 100 prosentii dábálaš muohttagis.

-Almmuhus-