Norggas vuvde masá 160.000 ođđa biilla diibmá, dás oainnát makkár biillaid norgalaččat válljejit.
Diibmá registrerejuvvojedje 158.650 ođđa biilla Norggas.
Historjjálaččat leat dušše guktii ovdal vuvdon eanet biillat go 2017:s, ja dat dáhpáhuvai 1985:s ja 1986:s.
Go geahčada makkár biillaid norgalaččat válljejit, de lassánit el-biila ja hybrida-biila eaiggádat, čállá NTB.
10 bivnnuheamos
Geaidnojohtolaga diehtojuohkinráđđi lea geahčadan makkár biillaid norgalaččat ostet, ja dá oainnát logi bivnnuheamos biilla.
1. Volkswagen Golf (buot boaldámušat)
2. BMW i3 (el-biila ja hybrida man sáhttá ládet)
3. Toyota RAV4 (hybrida ja bensiidna)
4. Tesla Model X (el-biila)
5. Volkswagen Passat (hybrida man sáhttá ládet, diesel ja bensiidna)
6. Mitsubishi Outlander PHEV (hybrida man sáhttá ládet, diesel ja bensiidna)
7. Toyota Yaris (hybrida ja bensiidna)
8. Tesla Model S (el-biila)
9. Škoda Octavia (diesel, bensiidna ja hybrida man sáhttá ládet)
10. Toyota C-HR (hybrida ja bensiidna)
