-Almmuhus-
OĐĐASATBivdojoavkkut fertejit ohcat sierravuodjinlobi

Bivdojoavkkut fertejit ohcat sierravuodjinlobi

-

-

Kárášjoga gielda bivdá buot bivdojoavkkuid ohcat čálalaččat sierravuodjinlobi vuodjit mohtorfievrruiguin meahcis. 

Kárášjoga gielda dieđiha ruovttusiiddustis ahte juohke bivdojoavku, mii áigu bivdit Kárášjoga gielddas, dattetge ferte ohcat sierra lobi vuodjit mohtorfievrruin meahcis.

Ortnet man vuođul ledje juohkán dieđu, ii doaimma nu mo lei jurddašuvvon.

Ii leat vejolaš addit lobi vuodjit meahcis mohtorfievrruiguin njuolggadusa ektui, jus ii leat ohccon čálalaččat lohpi dasa. 

 

Oza čálálalaččat

Gielda ávžžuha danin buot bivdojoavkkuid deavddestit ohcama mas lea kárta mielddusin.

Bivdoguovllu kárttaide leat sárgojuvvon guokte fásta máđii maid juohke bivdojovkui.

Juohke bivdojoavkkus sáhttet leat vihtta vuojána.

Bivdoleairra sáhttá cegget rabas máđijaid guora gitta 300 mehtera das eret ja 100 mehtera eret máđijain mat eai leat rahpasat.

– Sárggastehket velá kártii gokko áigubehtet bivdoleairra cegget, bivdá gielda. 

 

Oza jođánit

Kárášjoga ruovttusiiddus gávdná sihke ohcanskovi ja kártta.

Gielda ávžžuha bivdojoavkkuid sáddestit ohcamuša nu jođánit go lea vejolaš vai vuodjin meahcis šaddá lága mielde.

-Almmuhus-