-Almmuhus-
-Almmuhus-
OĐĐASATBivdet maŋidit stuoradiggedieđáhusa meannudeami

Bivdet maŋidit stuoradiggedieđáhusa meannudeami

Journalista

-

-

Gaskavahkku doalai Stuoradikki ealáhuslávdegoddi rabas stuorradiggedieđáhusa boazodoalu gulaskuddama áššis, ja boazodoalu ovddasteaddjit bivde ahte meannudeapmi maŋiduvvo, danne go oaivvildit das lea beare heajos vuođđu.

Álggus dán mánu almmuhii Eanandoallo- ja biebmoministtar Jon Georg Dale stuorradiggedieđáhusa boazodoalu birra, mii gohčoduvvo «Guhkes árbevierru – erenoamáš vejolašvuođat».

Sihke Sámediggeráđi lahttu Mariann Wollmann Magga ja Norgga Boazosápmelaččaid Riikkasearvvi jođiheaddji  Ellinor Marita Jåma cuiggodeigga stuoradiggedieđáhusa dalle go bođii, ja gulaskuddamis odne bivde ahte stuoradiggedieđáhusa meannudeapmi maŋiduvvo.

 

Bivdet ahte ii meannuduvvo dál
Mariann Wollmann Magga lohká sii leat gulaskuddamis bivdán ahte meannudeapmi maŋiduvvo, ii ge meannuduvvo dan hámis go dál lea.
– Danne go mii oaivvildit das leat stuora máhttoráiggit mat eai atte doarvái vuođu meannuduvvot. Mii oaivvildit ahte dieđáhussii ferte boahtit eanet máhttovuođđu ovdal go sáhttá meannuduvvot, ja leat bivdán ahte dat ii meannuduvvo dálá hámis.

 

Joatkka dáruiduhttimis

Wollmann Magga lea ilus go gulaskuddamis váldui maid ovdan ahte dát dieđáhus lea joatkka dáruiduhttimis mii lea leamaš boazosápmelaččaid vuostá.

– Dohkkehit dán dieđáhusa lea joatkka stáda dáruiduhttimis, danne go das ii váldo vuhtii boazosápmelaččaid iežaset máhttu, eaige ealáhusa iežaset vásáhusat. Dieđáhusa evttohusat leat njuolgut vuostá dan mii čiekŋalit lea čadnojuvvon boazodoalus, nu movt indiviidamerken, ja vel dakkár guottut ahte boazosápmelaččat eai dieđe mii lea buoremus alcceseaset, hárbmada issorasat. Maiddái eai leat sádden dieđáhusa Sámediggái, ja guhkkin eret ovttage sámegillii čállon, lohká son.

 

Doaivva ahte gullet
Rievtti mielde galgá Stuoradikki ealáhuslávdegoddi meannudit ášši, ja de buktit mearrádusevttohusa Stuoradiggái.

Wollmann Maggas lea jáhkku ahte sii leat olahan ealáhuslávdegoddái ja ahte evttohit mearridit maŋidit meannudeami.

– Go juo leat bovden min boahtit gulaskuddamii, de čájeha dat ahte lea dáhttu ealáhusa oaiviliid gullat. Mii leimmet gulaskuddamis hui viidát ovddasteame, go ledje miehtá riikka oassálastit, sihke ealáhusa, boazosámeservviid ja politihkkalaš bealis, lohká son.

Sis geat ledje bovdejuvvon boahtit gulaskuddamii leat:
Mariann Wollmann Magga, Sámediggeráđi lahttu
Marit Meløy, Sámedikki seniorráđđeaddi
Ellinor Marita Jåma, Norgga Boazosápmelaččaid Riikkasearvvi jođiheaddjis s
Karen Anette Anti, Romssa boazosápmelaččaid fylkkasearvvi prošeaktajođiheaddji
Inge Even Danielsen, Mátta-Trøndelága boazosámesearvi
Aslak J. Eira, jođiheaddji orohat 30C Nuortajohtolat ja Guovdageainnu johttisápmelaččaid searvvi stivralahttu
Eva Maria Fjellheim, Åarjel- Saemiej gielh
Aslak J. Eira, Jon Mikkel Eira, Boazodoalli, Kárášjoga johttisápmelaččaid searvi

 

-Almmuhus-