Gáivuona suohkan lea ráhkadan ollislaš plána mo ovddidit sámegiela geavaheami suohkanis. Dál bivdet álbmoga geahčadit plána ja buktit cealkámušaid.
Sámepolitihkalaš lávdegoddi mearridii čoahkkimis mannan mánu sáddet Gáivuona suohkana sámegiela ja kultuvrra ollislaš plána gulaskuddamii.
– Ollislaš plána galgá lasihit sámegiela giellageavaheami Gáivuona suohkanis. Mihttun plánain lea nannet ja ovdánahttit sámegiela suohkanis, čállá suohkan suohkana neahttasiiddus.
Jus dus lea oaivilat plána sisdoalu birra, de lea dus vejolašvuohta dál ovddidit iežat oainnuid ja evttohusaid. Gulaskuddanáigemearri lea 24.06.2022.
Plánadokumeanta lea almmolaš geahčadeamis seamma áigái. Plána gávdná earret eará suohkana neahttasiiddus.
