Hui olu norgalaččaid mielas lea bivdu dehálaš árbevierru. Nu duođašta ođđa iskkadeapmi.
Ipsos lea čađahan iskkadeami, mii čájeha ahte 72 proseantta jerron olbmuin lohket ovttaoaivilis ahte bivdu lea dehálaš kulturárbevierru Norggas, man ferte ain seailluhit viidáseappot.
Norgga bivdiid- ja guolásteddjiidsearvi (NJFF) lohká dan ilolaš ođasin.
– Máŋgga Eurohpá riikkas besset dušše muhtimat bivdit, muhto Norggas besset buohkat dan bargat. Lea dehálaš seailluhit dan árbevieru. Ii leat dušše buorre álbmotdearvvašvuhtii beassat meahccái, muhto nu maid seailluha guhkes ja buori árbevieru, dadjá NJFF diehtojuohkki Espen Farstad
Iskkadeapmi maid čájeha ahte 71 proseantta Norgga ássiin dovdet soapmása gii bivdá, vaikko ieža eai dan daga.
Oallugat háliidit maid vuolgit fárrui bivdit. Golmmas juohke logi jerron olbmos lohket sii vuolggáše bivdui mielde. Čiežas juohke logi olbmos lohket guoddevažžan ja ehtalaččat lea sin mielas ortnegis borrat fuođđobierggu.
Juohke jagi čađahit 12 000 olbmo bivdogeahččaleami. Diimmá bivdojagi mákse 96 600 bivdi jahkásaš bivdodivada.
(@NTB)
