Stine Sofie Stiftelsen lea sádden jearaldaga deaivvadit Guovdageainnu sátnejođiheddjiin ja suohkanhálddahusain.
Čakčamánu 7. beaivvi áiggošedje deaivvadit Guovdageainnu suohkana ovddasteddjiiguin.
Stine Sofie Stiftelsen lea golmma vahkkosaš mátkkis Finnmárkkus ja dan oktavuođas leat sádden jearaldaga Guovdageaidnu suohkanii.
Vuođđudus háliida ovdanbuktit mo sii sáhttet veahkehit suohkana bargat eastadit veahkaválddálašvuođa ja illasteami.
– Ulbmil lea juohkit dieđuid, eastadit ja fuomášuhttit veahkaválddálašvuođa ja illasteame mánáid vuostá. Guokte pedagoga bohtet fitnat guossis skuvllain ja deaivvadit oahpaheddjiiguin ja ohppiiguin, čállá Stine Sofie Stiftelsen reivves Guovdageainnu suohkanii.
Sii čállet maid ahte juohke jagi vásiha okta juohke guoktelogi mánás roavva fysalaš veahkaválddálašvuođa Norggas, gaskamearálaččat leat dat juohke guđat mánná juohke luohkkálanjas.
