-Almmuhus-
-Almmuhus-
-Almmuhus-
OĐĐASATBivdán čoahkkima dearvvašvuođaministariin

Bivdán čoahkkima dearvvašvuođaministariin

-

-

Sámediggeráđđi Mikkel Eskil Mikkelsen lea sádden reivve dearvvašvuođaministarii Bent Høiei, mas lea bivdán konsultašuvnnaid Davvi Dearvvašvuođa guorahallanbarggus.

Sámediggi čujuha dearvvašvuođaministara dieđihuvvon guorahallamii, dan oktavuođas go leat oktiičaskimin Finnmárkku Buohcceviesu ja Davvi-Norgga universitehtabuohcceviesu.

Sámediggi oaidná ahte vejolaš oktiičaskin maid váikkuha sámi pasieanttaid spesialistadearvvašvuođabálvalussii.

– Sámediggi oaidná hui dehálažžan, ahte sámi álbmoga dárbu spesialistadearvvašvuođabálvalusaide boahtá ovdan ráđđehusa čielggadanbargogohččumis Davvi Dearvvašvuohta RHF:i, čállá Mikkel Eskil Mikkelsen preassadieđáhusas.
 

-Almmuhus-