Sámediggepresideantta Aili Keskitalo mielas lea áibbas dohkkemeahttun go bohccot ain vuddjojit togaide Nordlánddabánas. Dál bivdá čoahkkima johtalusministariin Ketil Solvik-Olseniin hoahppodoaibmabijuid birra, dieđiha Sámediggi preassadieđáhusas.
Sámediggepresideantta Aili Keskitalo mielas lea áibbas dohkkemeahttun go bohccot ain vuddjojit togaide Nordlánddabánas. Dál bivdá čoahkkima johtalusministariin Ketil Solvik-Olseniin hoahppodoaibmabijuid birra, dieđiha Sámediggi preassadieđáhusas.
Mannan vahkkoloahpa vuddjojedje togii Nordlánddabánas unnimusat 106 bohcco.
Suorggahahtti
Sámediggepresideanta Aili Keskitalo lea odne hupman Jillen Njaarke orohaga boazoeaiggádiin Ole Henrik Kappfjellain, ja lea garrasit fuolastuvvan go beasai gullat makkár heahtedilis dan orohaga boazosápmelaččat leat.
– Boazosápmelaččat leat geahččalan oažžut oktavuođa Bane Norain, muhto das ii leat ávki. Lea suorggahahtti go ná sáhttá geavvat juohke jagi, vaikko ruovdemáđiifitnodat diehtá ahte bohccot leat doppe, dadjá Keskitalo preassadieđáhusas.
Bágget bidjat johtui doaimmaid
Sámediggeráđđi lea guhká fuolastuvvan Nordlánddabána diliin, ja lea máŋgii váldán oktavuođa Johtalusdepartemeanttain dan birra go bohccot vuddjojit Nordlánddabánas.
– Dál ferte Johtalusdepartemeanta bivdit Bane Nor beroštišgoahtit boazodoalus ja bágget sin bidjat johtui doaimmaid mat eastadit dákkár dáhpáhusaid, lohká Keskitalo ja fuomášuhttá ahte dát orohat lea juo giđđat massán birrasii čuođi bohcco go firre bávttis vulos, ja dál geavvá ná. Bohccot ain vuddjojit togii.
– Dat ii leat dohkálaš. Go mii oaidnit ahte Ruoŧa beale Sámis áidot togamáđii ja ahte dat doaibmá, de ferte leat vejolaš dan bargat Norggas maiddái.
Dakkaviđe biddjot johtui
Keskitalo bivdá dál Johtalusdepartemeantta ruhtadit eastadandoaimmaid farggamusat.
– Dán áššis eat sáhte vuordit ja maŋidit doaimmaid. Dás fertejit doaimmat dakkaviđe biddjot johtui, lohká Keskitalo.
