-Almmuhus-
-Almmuhus-
OĐĐASATBivdá fylkka­politihkkáriid vuoruhit mánáid ja nuoraid

Bivdá fylkka­politihkkáriid vuoruhit mánáid ja nuoraid

-

-

Olu skuvllain leamaš liigegolut koronapandemiija geažil. Dál ožžot fylkkagielddat oktiibuot 100 miljovnna kruvnna liigeruđa máksin dihtii njoammueastadangoluid joatkkaskuvllain. 

Ii leat vuos čielggas mo dáid ruđaid galgá juohkit. 

— Ráđđehus háliida ahte fylkkagielddat gos lea leamaš eanemus buozalmasvuohta, maiddái galget oažžut eanemus veahki, lohká máhtto- ja integrerenministtar Guri Melby gurutbellodagas.

Go koronadávda njoammun leavai čakčat, de čielggai ahte lei dárbu lasihit liigeruđaid fylkkagielddaide main lea ovddasvástádus joatkkaskuvllain. Eanemus liigeruđaid ožžot dat fylkkat gos leamaš eanemus njoammun. 

– Lea dehálaš ahte ruhta manná dohko gos lea eanemus dárbu. Viken ja Oslo fylkkain leamaš olu njoammumat ja danin ožžot sii eanemusat, lohká máhtto- ja integrerenministtar Guri Melby.

Dan 100 miljovnna kruvnnas oažžu Viken fylka 27,6 miljovnna kruvnna, Oslo oažžu 19,3 miljovnna kruvnna ja eará fylkkat ožžot gaskal 6,3 miljovnna ja 3,7 miljovnna kruvnna, Tromssa ja Finnmárkku fylka oažžu unnimus. 

– Mii ávžžuhat fylkkapolitihkkáriid vuoruhit skuvllaid go mánát ja nuorat leat dehálamos ja eanemus gánnáhahtti mii min servodagas lea. Mii leat ávžžuhan bálkáhit sadjásaš oahpaheaddjiid jus lea dárbu, muhto dađibahábut leat mii vuohttán ahte olusat eai daga dan. Dál berrejit álbmotválljejuvvon politihkkarat áimmahuššat ahte juolluduvvon ruđat mannet skuvllaide, deattuha máhtto- ja integrerenministtar Guri Melby.

-Almmuhus-