-Almmuhus-
OĐĐASATBivdá álbmogis veahki

Bivdá álbmogis veahki

-

-

Suoma sámediggi leat dál gohččon áirasiid liigečoahkkimii, ja bivdet dál álbmogiis veahki.

Suoma stáhtaráđđi ásahii Sámiid duohtavuođa- ja soabadankommišuvnna golggotmánu 28 beaivve 2021, ja kommišuvnna álggahii barggu viđa komissára čoahkkáibijuin.

Sámedikki evttohusa vuođul nammaduvvojedje guokte komissára, okta Nuortalaččaid siidačoahkkima evttohus ja guokte Suoma stáhta evttohusa.

Miessemánus 2022 guktot Sámedikki evttohan komissárat bivddiiga earu komissára barggus. Stáhtaráđđi mieđihii earu Miina Seurujärvii ja Heikki J. Hyvärisii komissára barggus 25.5.2022 rájes.

Dál galget guokte ođđa komissára válljejuvvot.

Dan oktavuođas lea ge Suoma Sámediggi gohččon áirasiid liigečoahkkimii válljet dan guokte ođđa komissára.

Sámediggi bivdá, ahte sápmelaččat váldet oktavuođa Sámedikki lahtuiguin dahje ságajođiheddjiiguin, jus sis leat evttohusat geat heivejit komissáran.

Liigečoahkkin galgá lágiduvvot borgemánu 9. beaivvi.

-Almmuhus-