-Almmuhus-
OĐĐASATBisuha váldokántuvrra Álttás

Bisuha váldokántuvrra Álttás

-

-

Hámmárfeasttas, Girkonjárggas ja Čáhcesullos šaddet golbma dássásaš báikkálaškantuvrra, ja Álttás fas váldokantuvra.

Guovlluredaktevra Morten Ruud lea mearridan rievdadit dan siskkáldas organiserema NRK Finnmárkkus.

Hámmárfeasta, Girkonjárga ja Čáhcesuolu šaddet golbma dássásaš báikkálaškantuvrra, ja Álttás fas váldokantuvra.

 

Dustejit hástalusaid

De čađahuvvo ođđasisjuogadeapmi golmma virggis, oktiibuot guđa virggis Čáhcesullokantuvrras.

Guokte virggi sirdojit váldokantuvrii Áltái, ja okta báikkálaškantuvrii Hámmárfesttii.

— Dán mii dahkat vai deaivvadit daid stuora rievdadusaiguin mat gevvet olbmuid mediavieruin. Dát buktá gáibádusaid midjiide geat leat mediafitnodat, go dál fertet eambbo njuolggo raporteremiid buktit go ovdal, ja mis fertejit eambbo publiseremat neahtas, mátketelefovnnas ja sosiála mediain, čilge Ruud.

 

Álkit deavdit vuordámušaid

Dainna rievdadusain bissu NRK Finnmárku ain riikka eanemus gáiddus redakšuvdnan, geain ovcci mielbargi báikkálaškantuvrras.

– Nanus váldokantuvrrain ja golbma dássásaš báikkálaškantuvrrain, dain njeallje stuorámus ja deháleamos gávpogiin fylkkas, boahtá NRK Finnmárkui leat álkit deaivvadit olbmuid dárbbuiguin ja vuordámušaiguin, dadjá guovlluredaktevra.

-Almmuhus-