Lajla Mattsson Magga mielas lei dehálaš čállit girjji mas hupmángiella lea, vai nuorat ohppet rievttes giela. Dál son lea aitto almmuhan girjji «Mojhtesh», mii lea čállon hupmangiela mielde.
*/
Lajla Mattsson Magga lea čohkken máŋgalogi muitalusa ja fearána, daid son lea bádden, ja dál leat dat girjin šaddan.
«Mojhtesh» mearkkaša «muittut» lullisámegillii, Magga lea ge čohkken muittuid.1970-1990 loguin báddii son lulli-sámi vuoras olbmuid fearániid. Son lea čállán daid, juste nu go sii muitalit, ja čohkken daid girjin.
Dološ fearánat
Tråante 2017 doaluid oktavuođas almmuhuvvui girji. Almmuheamis son logai teavttaid girjjis.
— Mun lean jurddašan ahte fertejit dakkár muitalusat main lea sisdoallu, ja maid olmmoš gille lohkat.
Girjjis leat vaikko makkár fearánat, riegadeami, jápmima ja geatkibivddu birra.
Sávvá nuoraid oahppat eambbo sániid
Girječálli čilge ahte son lea váljen čállit čállosiid juste nu go vuorasolbmot muitaledje, dainna sávaldagain ahte hupmangiella galgá bissut.
— Lean váljen dan nu ahte galget oahppat eambbo boazodoalu birra, ja daid sániid mat gullet dasá. Nuorat geavahit duššo muhtun sániid bohccuid luhtte. Soaitá šaddat nu ahte álget eambbo fas geavahit, lohká Lajla Mattson Magga, guhte ieš lea bajasšaddan boazodoalus.
Hoahppu báddet
Báddedettiin son ii goasse jurddašan ahte báttit galge šaddat girjin, sus lei jurdda ahte ferte doapmat dan bargan, dan bottas go mánát leat unnit. Nubbi jurdda lei ahte ferte
— In jurddašan ahte galggan girjji čállit, muhto ahte mus lea hoahppu álgit báddet, go olbmot geaid lean jearahallan, leat jápmán.
Lajla mielas lea dehálaš ahte vuorasolbmuid giella dokumenterejuvvo, ja dat lea manne son lea čállán dán girjji.
— Dat lea issoras dárbbašlaš, go jus lohká dákkár girjji mas lea dákkár giella, de soitet nuorat oahppat rievttes sámegiela, loahpaha son.
