Guovttis bissehuvvuiga Gargasnjárggas duollus, go leigga fievrredeame deahkkaguba vaikko ii lean sudnos dakkár lohpi.
Politiijat čállet ahte dan guoktásis leat 750 deahka duoguštan, ja goappašagat sáhkkohalaiga 1500 ruvnnuin.
– Iešalddis dat juo muitala ahte ii leat nu duođalaš ášši go leaba dušše sáhkkohallan. Muhto Norggas lea nu ahte ii sáhte summal fievrredit vaikke maid ráji rastá, ja fertejit báhpirat mat duođaštit ahte lea addon dakkár lohpi, lohká Finnmárkku politiijaid operašuvdnajođiheaddji, Jan Arne Pettersen.
– Deahkat leat nu gohčoduvvon birasdoabbarat, ja galgá sierralohpi daid fievrredit, muitala son.
