-Almmuhus-
OĐĐASATBissehit ohcama ja jotket fas mánnodaga

Bissehit ohcama ja jotket fas mánnodaga

-

-

Politiijat dieđihit ahte sii heaittihit otná beaivái ohcanakšuvnna mas ohcet njeallje čuoigi geaid jáhkket duššan uđđasii Dápmotvuovddis.

– Ii leat duosttáš girdit veagaid uđasbáikái, dieđihit politiijat.

 

Jotket mánnodaga

Ohcanakšuvdna heaittihuvvui bearjadaga, ja váldet bottu mánnodahkii ovdal jotket ohcanbarggu.

– Lea mearriduvvon heaittihit ohcama otnážii. Lea maid árvvoštallojuvvon bissehit ohcama dan dihte go dálki nu rievddada, čilge akšuvnnajođiheaddji John-Kåre Granheim NTB:i.

– Ferte leat áibbas sihkkar ahte sii geat mannet uđasbáikái, galget beassat fas dearvan doppe. Dat garantiija ii leat mis, ja dan dihte eat bija olbmuid bargat dan uđasbáikái, lohká son.

 

Loga maid: Politiijat jáhkket čuigiid duššan muohtauđđasii

 

Akšuvnna status Dápmotvuovddis rievddai bearjadaga, dieđihuvvui preassakonferánssas.

Dál leat heaittihan ohcamis lahppon olbmuid geat leat heakkas, muhto ohcet duššan olbmuid.

Sivvan lea go leat registreren guokte signála báikkis gos stuora muohtauđas lea fierran.

Ledje golbma suopmelačča ja okta ruoŧŧelaš geat ledje gaskavahkku čierasteame Sarregáissás Romssas go stuora muohtauđas fierai ja válddii sin.

(©NTB)

 

 

 

 

-Almmuhus-